Қадрлисиз қадрингиз бўлак, Соғинчларда ўртанди юрак, Сиздан сира келмас бир дарак, Эсламасам эсламайсиз-а?
Қани энди бўлсайди имкон! Дейсиз кўрсам ховлиқиб шу он. Кўзингизга кўриниб ёмон, Эсламасам эсламайсиз-а?
Келмасам бир бўлиб имконим, Қийналиблар кетар виждоним. Менга азиз бўлган инсоним! Эсламасам эсламайсиз-а?
Мудраб қолган кўзларни очинг, Ёлғизликни йўлидан қочинг, Келдим мана эшикни очинг! Юқламасам юқламайсиз-а?
Ой-у йиллаб келмай қўясиз, Кўзларимдан ўтиб қоласиз! Биз таърафга қачон борасиз? Мен келмасам сиз бормайсиз-а?
Масофалар бўлса хам йироқ, Бегоналар эмасмиз бироқ, Гар қилмасам ўзим қўнғироқ! Хол сўраб бир сим қоқмайсиз-а?
Дўст бошқадур бошқадур улфат, Дўст ёнингда турар хар фурсат. Шу бўлдими дўстим оқибат? Эсламасам эсламайсиз-а?
Ўзгартирар одамларни пул, Ўз нафсига қилиб қўяр қул, Сиз таниқли сиз энди машхур! Танишларни танимайсиз-а?
Дийдор ширин дейдилар ахир! Қўйинг араз гинаю кибр, Дилдан сухбат қурайликда бир! Ғаниматмиз ўйламайсиз-а?
Вақтимизни кетказмай увол, Кўришайлик келмаса малол! Ранжитдими сизни бу савол? Эсламасам эсламайсиз-а? |