Barcha maktab o'quvchilari uchun uzoq kutilgan yozgi ta'til qizg'in davom etmoqda. Ba'zilar uchun ta'til, sayohat, yozgi oromgohlarda dam olish, qo'shni shaharlarga, qarindoshlarnikiga borish, dala hovlida buvi va bobolar bilan xordiq chiqarish vaqti bo'lsa, kimlar uchundir "kundalik uy yumushlari” bilan band bo'lish onlari hisoblanadi. Bunda ota-onalar uchun muhim masalalardan biri bu yozda farzandlarini nima bilan mashg'ul qilish desak xato bo'lmas.
Toshkent shahar hokimligi matbuot xizmatining ma'lum qilishicha, ota-onalarning xotirjamligini ta'minlash va bolalarning samarali dam olishlari maqsadida 3 iyundan boshlab Toshkentdagi umumta'lim maktablarda yozgi dam olish maskanlari tashkil etildi. 7 yoshdan 14 yoshgacha bo'lgan o'quvchilar soat 08:00 dan 12:00 gacha o'zlari uchun qiziqarli to'garaklar tanlashlari va yozgi ta'tillarini yangi narsalarni o'rganib, sevimli mashg'ulotlari bilan shug'ullanib, foydali va maroqli o'tkazishlari mumkin. Raqs, ingliz tili, gimnastika, shaxmat, shashka, tennis, chizmachilik, hunarmandchilik, qo'g'irchoq teatri, yo'l harakati xavfsizligi darslari, kitob o'qish xonalari, kitobni qayta ta'mirlash darslari, xullas tanlov keng va bunday mashg'ulotlar bilan zerikishni unutasiz.Eslatib o'tamiz, yozgi dam olish dasturi 4 ta navbatga bo'lingan va ularning har biri 10 kunlik muddatni o'z ichiga oladi. Dastur jadvali quyidagicha:
1. 3.06-14.06.2019 2. 17.06-28.06.2019 3. 1.07-12.07.2019 4. 15.07-26.07.2019
Joriy yilda ushbu turdagi dam olishni tashkil etish dasturi 23 ming nafar o'quvchini qamrab oladi. To'garaklar Prezidentimiz tomonidan ilgari surilgan 5 ta muhim tashabbus ijrosini qamrab oladi.
Shahrimizning dam olish maskanlari tashkil etilmagan ta'lim muassasalarida Prezidentimiz Shavkat Mirziyoyev tomonidan yoshlarni har tomonlama barkamol qilib ulg'aytirish aa hayotda o'z o'rinlarini topishlariga qaratilgan 5 ta muhim tashabbus ijrosini ta'minlashga qaratilgan to'garaklar tashkil qilindi. Shuningdek, maktablarning barchasida turli yo'nalishlar bo'yicha to'garaklar ish boshladi. Masalan, «Yosh rassom», «Quvnoq ingliz tili», «Informatika olami», «Teatr studiyasi» hamda turli sport to'garaklari. Ushbu dastur poytaxtimizdagi 42067nafar o'quvchilarni qamrab oladi va bepul amalga oshiriladi.
«Barkamol avlod» bolalar ijod markazlari yosh avlodning kamoloti uchun muhim maskanlardandir. " Barkamol avlod” bolalar ijod markazlarining poytaxtimizning har bir tumanida yozgi ta'tilda faoliyat ko'rsatadigan bo'limlari mavjud. Bu yerda 6 yoshdan 18 yoshgacha bo'lgan bolalar (ayrim hududlarda yosh cheklovlari bor) o'zlari uchun taklif etilgan 30 ta texnika yo'nalishidagi, shuningdek, badiiy ijodkorlik, ekologiya, tarix, va chet tillaridan qiziqarli darslarni tanlashlari mumkin. Bu yerda o'quvchilar o'zbek, rus va ingliz tillarini o'rganishlari, nutq san'ati, yosh jurnalist, yosh oshpaz; keramika ishlari, munchoq terish, milliy cholg'ular ijrosi, milliy va xalq raqslari, vokal, qo'g'irchoq teatri, rassomlik, kompyuter dizayni, grafika va boshqa yo'nalishlardagi mashg'ulotlarga qatnashishlari mumkin. Bir to'garak uchun to'lov eng kam oylik ish xaqqining10% ni tashkil qiladi. Shunday qilib, bog'lar, diqqatga sazovor joylar, suzish havzalari va bolalar maydonchalaridan tashqari shahrimizning yosh aholisi uchun tayyorlangan dasturlar ko'p. Yozgi ta'tilingiz unutilmas va yorqin hodisalar, taassurotlarga boy bo'lsin!!!
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|
