Юлдузликдан димоғи кўтарилиб кетган машҳурлар ҳам учраб туради. Уларнинг айримлари эса интервьюларда ўзига юқори баҳо беришини очиқчасига билдиради. «Europa Plus» нашри маълумотлари асосида ўзига бино қўйган машҳурларнинг кимлигига тўхталди.
Канье Уэст
Ўзини замонавий мусиқа оламининг Майкл Жордани, буюк ижодкор деб ҳисоблайдиган Канье ўз концертини мухлис сифатида томоша қила олмаслигидан афсус чекади. «Улар мени одамларга ёқмаслигимни айтишади, лекин ҳамма мени яхши кўради. Каньени ҳамма яхши кўради. Мен энг яхши ижрочиман», — дейди рэпер. «Forbes» томонидан эълон қилганига кўп бўлмаган энг кўп ҳақ тўланадиган юлдузлар рўйхатининг иккинчи поғонасидан ўрин олганидан кейин Уэст ўзига қандай таъриф бериб, кимларга қиёслайди буниси, номаълум.
Ким Кардашьян
Модель Ким Кардашьян ўзига бино қўйишда турмуш ўртоғи Канье Уэстдан қолишмайди. Бундан бир неча йил аввал у ижтимоий тармоққа жойлаштирилган энг кўп селфилар бўйича рекорд қўйганди. Билаги шикастланганида эса ўзини ҳар куни суратга олиш учун сураткаш ёллаган. Ким ва Канье ҳақида ўхшатмасдан учратмас, деган таъриф ёдга тушади. Тўй куни Ким турмуш ўртоғига селфилари жамланган китоб совға қилган.
Криштиану Роналду
Роналду доим ўзининг энг зўр футболчи эканини ва бунга ўз меҳнати сабаб эришганини таъкидлайди. «Эришган натижаларимни инобатга олиб, ўзимни энг яхши деб ҳисоблайман. Етакчи спортчилар ўзлари шуғулланадиган спорт турига таъсир кўрсатади, шунинг каби мен ҳам футболга жуда катта таъсир ўтказдим деб ўйлайман», — дейди Роналду.
Конор Макгрегор
«Криштиану энг зўр, мендан кейин, албатта», —дейди Конор. Икки вазн тоифаси бўйича UFC собиқ чемпиони Конор нафақат ўзининг йўналишида, балки спорт оламида ҳам ўзини энг зўр спортчи деб ҳисоблайди.
Бейонсе
Бейонсе ўзини яхши кўриш кераклигини беркитмайди. Унинг фикрича, ўзини яхши кўрган инсонни бошқалар ҳам яхши кўради. Хонанданинг ўзига жуда ҳам бино қўйганлигини ҳамкасблари ва танишлари ҳам таъкидлайди.
Леди Гага
Хонанда ҳамиша бошқалардан ажралиб туришни ва диққат марказида бўлишни яхши кўришини у киядиган либослардан ҳам билса бўлади. Ўзига юқори баҳо беради, деб таърифланадиган Бейонсе ўзи қолиб, Леди Гагани ўзига бино қўйганликда айблайди.
Жастин Бибер
Бибернинг ўзини рисоладагидек тута олмаслиги ва ўзига бино қўйгани кўпчиликка яхши маълум. Лекин яқинда юз берган ҳолат ҳаммасидан ошиб тушди. Хонанда «Kehlani» янги альбомини мухлисларига тақдим қилганидан кейин R&B ўлмаганини билдириб, уни қўллаб-қувватлашларини сўраган.
Шундан кейин Жастин ушбу жанрда у ҳам альбом тақдим қилганини эслатиб қўйган. Ижтимоий тармоқ фойдаланувчилари эса бунга жавобан у ўзи ва ижодига жуда юқори баҳо бериши, у назарда тутган альбомдаги қўшиқлар билан R&B ўртасида ҳеч қандай умумийлик йўқлигини билдирган.
Manba: 24soat.com -Saytdan olindi.
Ushbu ma'lumot hordiq.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
