ҚЎЙ (21. 03 — 20. 04)
10 феврал куни барча истакларингизни бир лаҳзадаёқ ҳақиқатга айлантириш йўлида куйиб ёнасиз. Лекин бунинг имкони йўқ. Ҳаётга реал кўз билан боқишингиз тавсия этилади. Айрим истакларингизни ҳақиқатга айлантириш учун пул, айримлари учун илҳом зарур. Агар иккаласи ҳам йўқ бўлса, тинчланинг-у, худодан сўранг. Кечқурун тоза ҳавода сайр қилинг. Саломатлигингизни эҳтиётланг. Асабни асранг.
БУЗОҚ (21. 04 — 20. 05)
Бугунги кунингиз фаоллик ва метиндек асаб талаб қилади. Муаммолар шу қадар кўпки, қай биридан бошлашни билмай ҳайрон бўлишингиз мумкин. Биринчи навбатда ортиқча харидлардан воз кечинг. Шунда пулингизга пул қўшилганини ҳис қила оласиз. Янги танишувларни амалга ошираётганда, жилмайишдан тийилманг. Рўзғорингизда ҳам ташвишлар керагича топилади. Уларни яқинларингиз билан бамаслаҳат ҳал этганингиз яхши.
ЭГИЗАКЛАР (21. 05 — 21. 06)
10 февралда илгари ўта оғир туюлган масалаларни осонликча ижобий ҳал этасиз. Ҳам математик, ҳам файласуф ролини ижро этасиз. Иш жойингизда эса жамоавий бажариладиган ишларга етакчилик қиласиз. Яқиндагина шахсий бизнесини бошлаганлар оғир-босиқлик билан иш тутишлари талаб этилади. Дўстларингиздан кимлардир сизга орқаваротдан ёмонликлар қилишга уриниши мумкин. Уларга арзирли жавоб қайтаринг. Кечқурун ёлғизликда дам олинг.
ҚИСҚИЧБАҚА (22. 06 — 22. 07)
Ташқарида қаҳратон қутуриши мумкин. Аммо сизнинг кайфиятингиз баҳордагидек кечади. Чунки барча ишларингиз ўнгидан кела бошлайди. Бунга хуш кайфиятингиз туртки бўлади. Бироқ молиявий масалада ҳам шундай омадга эришаман деб хаёл қилманг. Аввало қарзларингиз бўлса, уларни узинг. Ана шунда топадиган пулингизга барака киради. Шахсий ҳаёт билан боғлиқ муаммолардан ҳам хавотир олманг. Қариндошлар ёлғизлатиб қўйишмайди.
АРСЛОН (23. 07 — 23. 08)
10 феврал кунингиз жуда ажойиб тарзда бошланади. Ҳар бир қўл урадиган ишингиз кўнглингиздагидек бўлиб чиқади. Ортиқча ташвишлардан чалғийсиз. Муҳаббатда аланга ичида қолиб кетишингиз мумкин. Алангада куйиб кетмаслик учун эҳтиросларни жиловга солинг. Оиласиз бўлсангиз ва яқинда бўлғуси жуфтингизни топган бўлсангиз, билинг, унга сиздаги романтиклик ҳозирча етиб ортади. Қолгани ортиқча. Айримлар кечқурун олис сафарга отланишлари кутилмоқда.
ПАРИЗОД (24. 08 — 22. 09)
Бугун паризод буржида таваллуд топганлар фақат хотиржамлик ҳукми остида бўлишлари зарур. Шошма-шошарлик, жиззакилик сизга фойда келтирмайди. Агар яқинларингиз билан орангизда қарама-қаршиликлар пайдо бўлса ҳам хотиржамликни қўлдан берманг. Тақдирдаги қора чизиқлар абадий эмас. Улар ўрнини албатта ёрқинлик эгаллайди. Мукофот пули олсангиз, дарров ишлатиб қўйманг. Яхши кунлар учун асраб қўйинг. Кечқурун саломатлигингиз ҳақида қайғуриш ҳам эсингиздан чиқмасин.
ТАРОЗИ (23. 09 — 23. 10)
10 феврал куни фақат енгил харидларни амалга оширишингиз сўралади. Тўғри, кўп нарсалар сотиб олишни, яқинларингизни хурсанд қилишни истайсиз. Лекин бу хавфли. Инқирозга юз тутишингиз мумкин. Ҳатто, шахсий бизнесини очмоқчи бўлганлар ҳам етти ўлчаб бир кесишлари лозим. Саломатлигингиз ҳам кўнгилдагидек кечмайди. Шунинг учун тўғри овқатланиш ва дам олиш масаласига алоҳида эътибор қаратинг.
ЧАЁН (24. 10 — 22. 11)
Бугун сизни ёрқин ва унутилмас саргузаштлар кутиб туради. Фақат оила қурмаганлар муҳаббатга муккасидан кетмаслиги керак. Росмана туйғуларни топишга ҳаракат қилинг. Камтар бўлинг. Камтарлик инсоннинг безагидир. Иш жойингизда ҳам сукут сақланг ва билиб ишингизни қилаверинг. Кечқурун қандайдир экзотик таом истеъмолига эътибор қаратинг. Ўзингизни эҳтиёт қилинг. Оллоҳ сизга ёр бўлсин!
ЎҚОТАР (23. 11 — 21. 12)
10 феврал куни майда-чуйда воқеа-ҳодисалар, ишларга жуда эътиборли бўлишингиз керак. Агар кимларгадир ҳақиқатни айтмоқчи, истеъдодингизни барчага яна бир бор кўрсатиб қўйишни истасангиз, олға босинг! Ҳеч ким бу ҳаракатларингизга қарши чиқмайди. Аксинча олқишлайди. Шахсий ҳаётингиз ҳам ёрқин кечиши кутилади. Оилавий жанжаллардан, келишмовчиликлардан нари бўлинг. Омад сизга ёр бўлсин!
ТОҒ ЭЧКИСИ (22. 12 — 19. 01)
Ишда муваффақиятга эришиш учун масъулиятни унутиб қўймаслигингиз тавсия этилади. Хатоларни тузатишга киришинг, тажрибали ҳамкасблардан ўрнак олинг. Раҳбарларингиз сизни кучли назорат остига олган бўлиши керак. Шунинг учун доимо сергак туринг. Оилада қариндошлардан бирини нимагадир кўндириш пайида бўласиз. У фарзандларингиздан бири бўлиши эҳтимолдан холи эмас. Тўғри овқатланинг. Кўча таомини истеъмол қилишдан тийилинг.
ҚОВҒА (20. 01 — 18. 02)
Сиз жон-жаҳдингиз билан олдинга интила бошласангиз, кунингиз серташвиш кечиши аниқ. Бу сиз учун одатга айланган. Ёлғизлардан кимдир бирга ишлайдиган инсонга кўнглини бериш ниятида бўлиши мумкин. Агар у ҳам сизга эътиборсиз бўлмаса, тақдирингизни боғлаганга нима етсин. Кечқурун спортзалга чиқиб спортнинг ўзингизга ёқадиган тури билан шуғулланиш, бассейнда чўмилиб қайтиш ҳам зиён қилмайди.
БАЛИҚ (19. 02 — 20. 03)
10 феврал куни эрталабоқ тадбиркорлар қаршисида рақобатчиларни кўради. Улар сиз тарафга шундай даҳшатли нигоҳ билан боқа бошлашадики, бунақаси ҳеч қачон бўлмаган. Муҳим ҳужжатларга сергаклик билан имзо қўйинг. Таклифларни олдиндан эринмай ўрганиб чиқинг. Бугун севишганлар учун ёқимли лаҳзалар кўзга ташланмайди. Баъзилар олис сафарга отланиши эҳтимолга яқин. Сафар давомида бировлар билан жанжаллашиб қолишдан сақланинг.
Хушвақт бўлинг! Ҳаммавақт бўлинг!
Яна Аллох билгувчирок!
