«Муҳташам юз йил» телесериалини кўрганлар бўлса, султон Сулаймоннинг Моҳидаврондан туғилган ўғли Мустафо мавзусига алоҳида ўрин берилган. Лекин сериалда шаҳзода жасур, оқ кўнгил, тўғрисўз ва меҳрибон инсон сифатида тасвирланади. Тарихда эса бунинг акси бўлган. Мустафо сира ҳам меҳрибон эмасди. Совуққон, шафқатсиз, ҳокимиятни, тахтни севгувчи, худбин ва жаҳлдор эди. Худди шунинг натижасида жуда кўп маротаба султон Сулаймоннинг қаҳрини келтирарди. Онаси Моҳидаврон ўғлининг феълини билгани учун нуқул уни ҳимоя қилишга, ёлғонлар ишлатиб бўлса-да, подшонинг ғазабидан асрашга уринарди.
Шаҳзода Мустафо Хуррам султон ҳамда Меҳримоҳ билан умуман мулоқот қилмаган. Гўёки санжакни бошқариш билан жуда банд бўлган.
Сериалда яна Мустафонинг ўлимида Хуррам султон ва Меҳримоҳни айбдор қилиб кўрсатишган. Тўғри, бир жиҳатдан олиб қараганда, ҳар бир она фарзанди омадга эришишини хоҳлайди. Жумладан, Хуррам ҳам ўғилларидан бири меросхўрга айланишини истаган. Лекин очиқчасига, қатъий ҳаракатларни содир этмаган. Мустафонинг ўзи ўз ўлимида айбдор бўлган. Манисага губернатор этиб тайинлангач, хориж давлатлар элчилари олдин Мустафо билан учрашиши, музокаралар олиб бориши Сулаймонга алам қиларди. Шу ҳаракатлари билан отасининг ҳукмронлигига соя ташлаганди. Айниқса, Мустафонинг сефевидлар шоҳи билан хуфиёна ёзишмаси ошкор бўлгач, Сулаймон қатъий қарорга келди. Ана шунинг оқибатида Мустафони қатл этди. Сериалда кўрсатилганки, гўё Меҳримоҳ Мустафога тегишли муҳрни ўғирлагач, Рустам пошшанинг саъй ҳаракати билан ёзишма уюштирилган. Лекин тарихчиларнинг ёзишича, Мустафонинг муҳрини ўғирлаш учун умуман имкон бўлмаган. Чунки у муҳрни доимий равишда ўзи билан олиб юрган. Демак, ёзишмани ўз хоҳиши ва қўли билан ёзган.
Нима ҳам дердик. Телесериал муаллифлари ҳам асарга ёрқинлик киритиш, қарама-қаршиликлардан иборат саҳналар кўпроқ бўлиши учун ҳаракат қилишган. Нима бўлганда ҳам сериал дунё аҳлини ҳайратда қолдиргани аниқ.
Manba: 24soat.com -Saytdan olindi.
Ushbu ma'lumot hordiq.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|
