Turkmaniston poytaxti Ashxobod markazida joylashgan harbiy qismda askarlarga dush qabul qilish taqiqlab qo'yildi. Nega? Sabab shuki, mamlakat mudofaa vazirligi blokida harbiy qism kazarmasi joylashgan. Kazarma yana mudofaa instituti, akademiya qurshovida qolgan. Kapitan Sh. kazarmaning uchinchi qavatidagi dushxonalarni qulflab tashlagan. Vaholanki, bu qavatda har biri 24 askar uchun mo'ljallangan 5 ta yotoqxona bor. Demak, hammasi bo'lib 120 nafar askar shu yotoqxonalarda dam oladi. Askarlar dushxona yopiqligidan hojatxonada yuvinishga majbur bo'lishmoqda. Havo haddan tashqari issiqligi tufayli askarlardan qo'lansa hid taraladigan bo'lgan. Ular gigienani buzmaslik maqsadida dushxona qidirib topa olmagach, hojatxonaga kirishga majbur bo'lishmoqda. Achinarlisi, askarlarning hech biri komandirlarga qarshi so'z ayta olmaydi, talab qila bilmaydi. Kapitan Sh. va u kabi mas'uliyatni unutgan, loqayd komandirlar jazosiz qolib ketmoqda.
Bu ham hammasi emas. Ism-familiyalari sir tutilgan askarlarning aytishicha, Turkmanistondagi harbiy qismlarda poraxo'rlik, askarlarga bosim o'tkazish holatlari ko'payib ketgan. Viloyatlarda xizmat qilayotgan askarlarning ahvoli yanada ayanchli tus olgan.
— Men oddiy bir holatni aytaman, — dedi askarlardan biri. — Askar qoidani buzsa yoki biror nomaqbul harakat sodir etsa, «GUBA» (askarlar uchun vaqtinchalik qamoqxona) ga tashlanadi. U yerda askarni ertalabdan kechgacha qiynashadi. Cho'nqayib o'tirgan holda yurishga majbur etishadi. Agar bosh tortsang, boshingni unitazga tiqishadi. Bizda M. A. degan podpolkovnik bo'lardi. Kiyiming dazmollanmaganmi, «GUBA», nizomga rioya qilmay yuribsanmi, «GUBA», soch-soqoling sal o'sibdimi, yana «GUBA»… Ofitserlar esa bundan unumli foydalanishardi. Seni «GUBA»ga tashlash bialn qo'rqitib, 200 manatdan pulingni shilvolishardi.
Turkmaniston armiyasidagi yana bir ayanchli holat askarlarning past saviyada harbiy tayyorgarlikka egaligidir. Oziq-ovqat bilan ta'minlash masalasida muammolar bisyor. Askarlar yil davomida qishloq xo'jalik ishlariga jalb etiladi. Ayniqsa, paxtani askarlarsiz terib ola bilishmaydi.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|
