Турк киноижодкорлари тарафидан суратга олинган «Муҳташам юз йил» сериалини томоша қилганлар билади. Тошлижоли Яҳё шаҳзода Мустафонинг яқин маслакдоши, ажойиб жангчи, шоир эди. Тарихий маълумотларда айтиладики, Тошлижоли 1498 йили туғилиб, 1582 йили оламдан ўтган. XVI асрнинг энг кўзга кўринган шоирларидан бири бўлган. Келиб чиқиши албаниялик. Болалигининг асосий қисмини ҳарбий компанияларда ўтказган. Жанглардан илҳом олган. Уни шоир сифатида мамлакатдаги обрўли шахслар ҳурмат қиларди, қадрларди.
НЕГА СУЛТОН СУЛАЙМОН ТОШЛИЖОЛИНИ ҲАЙДАБ СОЛДИ?
Тошлижоли Мустафонинг ўлимидан қаттиқ қайғуга ботганди. Усмонийлар империясида яшовчиларнинг кўпчилиги қатори Мустафо адолатсизлик қурбонига айланди дея ҳисобларди. Бу ишда Рустам пошшани айбларди. Рустам пошша ҳам уни кўра олмасди. Тезроқ қатл қилишларини истарди. Лекин султон Сулаймон Тошлижоли Яҳёни қатл этмади. Ҳатто маошини ҳам сақлаб қолди. Фақат уни Тўпқопида кўришни истамади. Шу сабабли Тошлижоли Амасияда яшашда давом этди. Умрининг охирига қадар бу манзилни тарк этмади.
Дарвоқе, Тошлижоли Яҳё султон Сулаймоннинг ёлғиз қизи Меҳримоҳга кўнгил қўйганди. Уларнинг орасида кучли муҳаббат туйғуси пайдо бўлганди. Афсуски, Яҳё бу муҳаббат иллюзиядан бошқа нарса эмаслигини англаб етди. Вақтида қанчалар оғир бўлмасин, муҳаббатидан воз кечди. Чидади, бардош қилди.
Сериалда худди шу манзара намойиш этилган.
АСЛИДА ҚАНДАЙ БЎЛГАН?
Тарихий манбаларда қайд этилишича, Тошлижоли ҳақиқатан Мустафонинг ўлимида Рустамни айблаган. Шу адолатсизликка бағишлаб бир нечта ҳикояларни ҳам ёзиб қолдирган. Шу битиклари учун султон Сулаймон уни барча унвон ҳамда мукофотлардан маҳрум қилган. Тошлижоли жонини омон сақлаб қолиш учун усмонийлар империясини тарк этишга мажбур бўлган. Болқон томонларга йўл солган. Қайтиб Сулаймонни ҳам, Рустам пошшани ҳам кўрмаган. Болқонда уйланган. Икки фарзанд кўрган. Тошлижоли 1582 йили 84 ёшида вафот этган.
ТОШЛИЖОЛИ РОЛИНИ ҚАЙСИ АКТЁР ИЖРО ЭТГАН?
Танишинг, Серкан Олтунорак. Айнан шу актёр Тошлижоли ролини ажойиб тарзда ижро эта билган. Актёр 1976 йили Туркия пойтахти Анқарада таваллуд топган. Ҳозир 43 ёшда. «Муҳташам юз йил» сериалидаги роли учун миллионлаб мухлислар орттирди.
Manba: 24soat.com -Saytdan olindi.
Ushbu ma'lumot http://hordiq.uz/ dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
