1. Дунёда типратиконнинг 24 та тури мавжуд.
2. Кўпчилик типратиконнинг думи бўлмайди деб ўйлайди. Аммо ундай эмас. Типратиконнинг думи бор. Фақат жуда калта.
3. Типратиконнинг олд ва орқа оёқларида бештадан бармоғи бор.
4. Юқори жағида 20 та, пастки жағида 16 та тиши бўлади.
5. Типратикон вояга етган сари тиконлари сони ортиб боради. Масалан, гўдаклигида 3000 та тикон бўлса, вояга етгач, улар сони 6000 тагача етади. Тиконлари худди одам сочлари тезлигида ўсади.
6. Типратиконлар ер юзида бундан 20 миллион йил олдин пайдо бўлган.
7. Типратиконнинг кўриш қобилияти жуда паст. Шу сабабли у қулоқлари ёрдамида туғилажак хавфни аниқлайди.
8. Типратикон сониясига 3 метр тезликда югуради.
9. Типратикон одатда заҳарли илонлар билан озиқланади. Чунки илон заҳри унга одамчалик кучли таъсир кўрсата олмайди.
10. Африка типратикони сувда суза олмайди. Кушандаси бўлмиш тулки айнан шу усул ёрдамида ўлжасини тутади. Олдин сувга думалатади, кўрибсизки, типратикон сувда очилишга мажбур бўлади.
11. Типратикон ўзига қолса сут ичмасди. Аммо баъзи одамлар уни сут билан сийлашдан тийила олмайди. Типратикон эса ичишга ичади, бироқ орадан қисқа вақт ўтгач, ўзини ёмон ҳис эта бошлайди.
12. Типратикон тиконлари асосан кератиндан иборат. Тиконларини бу жонивор ҳар уч йилда бир марта, босқичма-босқич янгилайди.
13. Бошқа жониворлардан фарқли ўлароқ типратикон қишда ухлаш учун ўзига ер остидан ин ковламайди. У дарахтлар илдизлари, улкан тошлар остида қишлайди. Ҳаво ҳарорати +6 даражагача тушса, типратикон хоҳлайдими-йўқми, организми уйқуга кетади.
14. Болаларини урғочи типратикон катта қилади. Эркаги бу жараёнда иштирок этмайди.
15. Тутқунда типратикон 9-10 йил умр кўради. Ёввойи табиат қўйнида эса икки ҳисса камроқ яшайди.
16. Типратиконга одамни ўлдира оладиган дозада каламуш дори ёки шу каби заҳар берсангиз ҳам типратикон тирик қолади.
Manba: 24soat.com -Saytdan olindi.
Ushbu ma'lumot #uznews, #habarlar, #newsuz, #новости, #Yangiliklar, #Yangilik, #ahborot, #xabarlar, #news dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
