«ИШИД»НИНГ ПАЙДО БЎЛИШИ
2011 йили Сурияда фуқаролар уруши бошланди. Суннитларнинг аксарияти шиизм тарафдорлари ёрдамида мамлакат президенти Башар Асад режимига қарши жангга отланди. Ваҳҳобизм, салафизм фанатлари, жангари каллакесарлар учун одам ўлдиришда бу воқеа айни муддао эди. Бағдодий зудлик билан Сурияга жангарилар отрядларини йўллади.
2011 йил декабрига бориб террорчилар Дамшқда ўзларининг дастлабки ифлосликларини намойиш этишди. Бу шаҳарда бир неча ўнлаб террор ҳаракатлари содир этилди. Юзлаб бегуноҳ одамлар террор қурбонига айланди. Террор ҳаракатларини эса ўшанда «Фронт ан-Нусра» жангари гуруҳи ўз зиммасига олди. Бу гуруҳ аъзоларининг айтишича, улар «Аль-Қоида» иттифоқдошлари эмиш. Гуруҳга эса суриялик Абу Муҳаммад аль-Жулоний етакчилик қилди. Уни ҳам Бағдодий Сурияга юборганди. Жулонийнинг ушбу сафар давомида шахсий ғоялари ҳам бор эди.
«Ан-Нусра» жангарилар гуруҳи Сурияга қисқа вақт ичида жуда яхши жойлашиб олди. Чунки, биринчидан, бу гуруҳнинг жангарилари ўта профессионал эди. Иккинчидан, «Аль-Қоида» гуруҳни молиявий жиҳатдан тўлиқ қўллаб-қувватларди. Жангарилар масаласида ҳам муаммо қолдирмасди. Бундан ташқари, гуруҳдаги жангарилар салафизм, ваҳҳобизмнинг ашаддий фанатлари эди. Устига устак, улар наркотиклар, психотроп дори воситалари билан таъминланарди. Шу оғу таъсирида жангари каллакесарлар илҳомланиб, Сурия фуқаролари орасидан ўз тарафкашларини қидириб топиш, уларни каллакесарлаикка жалб этишда ҳеч нарсани аяшмасди. Дунёда фаолияти тақиқланган «ИШИД» жангари каллакесарлар гуруҳи ана шундай пайдо бўлганди.
ЖАНГАРИ КАЛЛАКЕСАРЛАР ХАЛИФАЛИГИ ПОЙТАХТИ
Ҳозиргача ҳам бу гуруҳнинг қатъий бир номи йўқ. Гоҳ уни «Ироқдаги ислом давлати», гоҳ «ИШИД», гоҳ Левант ислом давлати деб аташади. Бу масалада террорчилар ҳануз ўзаро келишувга эришмаган. Аммо Сурияда кўплаб ҳудудларни қўлга киритгач, Бағдодий ўз гуруҳини «Ислом давлати», «ИШИД» номлари остида қолдиришни лозим топди…
Энди яна Аль-Жулонийга қайтсак. Орадан маълум вақт ўтгач, у Бағдодий қаноти остидан чиқди-да, «Аль-Қоида»га Бин Ладендан кейин етакчилик қилган Завоҳирийга хизмат қилишга қасам ичди. Қасамхўрга нима. Ундайлар одам ўлдириш, ҳокимиятга эришиш йўлида керак бўлса, туққан онасини, дунёга келтирган отасини ўртага қўйиб қасам ичади.
Қасам ичилгандан кейин Завоҳирий Бағдодийга гуруҳ номини «Ироқдаги ислом давлати»лигича қолдиришни, «Ан-Нусра»ни безовта қилмасликни буюрди. Аммо Бағдодий илк бор раҳбариятнинг буйруғини бажаришдан бош тортди. Шундай қилиб, «ИШИД» ва «Ан-Нусра» бир-бирининг томоғидан бўға бошлади. Оқибатда иккала тарафда ҳам қурбонлар сони кўп бўлди. Аммо барибир «ИШИД»ни Суриядан сиқиб чиқаришди. Шунга қарамай, Бағдодий ўз каллакесарлари билан бирга Раккани ўз назорати остига олди. Уни каллакесар жангарилар халифалиги пойтахти деб атади.
ИРОҚҚА ҚАЙТИШ
Қисқа фурсат ичида илгари «Ан-Нусра» таркибида гуноҳ орттирган хорижлик ёлланма жангариларнинг аксарияти Бағдодий тарафга ўтди. 2014 йил бошида эса «Аль-Қоида» Бағдодий билан муносабатларга нуқта қўйди.
«ИШИД» каллакесарлари бу воқеадан сўнг жуда оғир аҳволда қолганди. Сабаби, эгаллаган ҳудудини тортиб олишди, Раккада худди уй қамоғидаги маҳбус аҳволига тушиб қолишди. Раккани айланасига жангариларнинг ашаддий душманлари — мамлакат армияси ҳарбийлари ўраб олган. Ўйлаб ўтиришга вақт қолмаганди. Нимадир қилиш керак. Хўш, нима?..
Маразларнинг яна омади чопди. Кутилмаганда америкаликлар Ироқни тарк этди. Суннитлар эса ўша пайтдаги Ироқ бош вазири Нури аль-Маликий сиёсатидан норози бўлиб кўчаларга чиқди. Бағдодий сира ўйлаб ўтирмай, Ироққа қайтишни маъқул билди. Яна омади келди. Мамлакат эшиклари жангарилар учун катта очиқ эди.
У ҳаракатни бошлади. Одам ўлдириш, террор ҳаракатлари содир этиш, қатл, шафқатсизлик, тарғибот… Ишқилиб, ҳаммасини баравар бошлади. Бора-бора Ироқдаги суннитларга тегишли шаҳарларни аста-секинлик билан эгаллай борди. Бундан ташқари, маҳаллий салафизм, ваҳҳобизм фанатлари, Саддам Ҳусайн армиясидан қочган ҳарбийлар дунёда фаолияти тақиқланган «ИШИД» сафига қўшилди. Мосул шаҳри эгаллангандан кейин эса каллакесарлар гуруҳи энди гуруҳ эмас, балки бутун бошли армияга айланди. Таркибида миллионлаб жангарилар, қурол-яроғ, ракеталар, ҳатто, кимёвий қуролларгача пайдо бўлди. Энди Бағдодий нафақат Ироққа, балки бутун дунёга хавф сола бошлади.
Manba: 24soat.com -Saytdan olindi.
Ushbu ma'lumot https://nemolchi.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
