Олиб борилган тадқиқотларга кўра, эркакларнинг 93%и, аёлларининг эса 86%и ҳаёти давомида бир марта бўлса ҳам шаҳвоний (эротик) уйқу кўрар экан. Кимлардир жуда кўп ва тез тез кўрса кимлардир ҳафтада, ойда ҳаттоки йилда бир марта кўриши мумкин экан. Бунинг сабаби нимада ҳеч ўзингиз ўйлаб кўрганмисиз? Ухлаш ҳолатига қай даражада боғлиқ?
Бу мавзу юзасидан жуда кўп турли туман текширувлар, сўровнома анкеталар ўтқазилган бўлиб натижалари ҳақиқатдан ҳам жуда қизиқ. Охирги Гонг Конгдаги университетда ўтқазилган университет талабалари орасидаги натижалар қуйидагича, 670 талаба иштирок этган, буларнинг 66% аёл (фемале) 34% эркак (мале) бўлган. Улардан қандай оралиқлар билан жинсий компонентли тушлар кўришлари ва бу пайтдаги ухлаш ҳолатлари ҳақида сўралган.
Сўровнома натижаси эса жуда ҳам қизиқ. Қатнашганларнинг 72% асосан ёнбош ётишликларини, 23%и юқорига қараб ётишларини,5%и эса ерга қараб ётишликларини белгилаганлар. Янада қизиқ бир ҳолат эса ерга қараб ётганларнинг бошқаларга нисбатан кўпроқ жинсий таркибли тушларни кўришларида эди.
Олимларга кўра бунинг бир неча сабаби мавжудлигини келтириб ўтишди. Сабабларидан бири уйқу пайтида кўкрак қафасида ҳосил бўладиган юқори босим, нафас олиш ва чиқаришни қийинлашуви ҳиссидан, мияга жинсий майлни қитиқловчи сигналлар юзага келиши мумкинлиги кўрсатилмоқда.
Бошқа бир текширувда эса чап ёнбош билан ётганларнинг тез-тез қўрқинчли тушлар кўришлиги ва эрталабни кайфиятсиз бошлашлари тасдиқланган, шу ўринда халқимизнинг эрталабдан кайфияти йўқларга чап ёнинг билан турдингми дейиши бежиз эмаслиги ҳам тасдиқланган бўлди. Аксинча ўнг ёнбош ётадиганларда эса босинқирашлар бўлмаслиги ва эрталабга тетик ва яхши кайфиятда кунни бошлашлари ҳам келтириб ўтилган.
Ундан ташқари, яшаш муҳитимиз, бўйдоқлик ҳолати, вақтинча бўйдоқлик ҳолати (уйланган, лекин оиладан маълум муддатга узоқда), сафарда бўлиш, ишда чарчаш, совуқ қотиш, юмшоқ жойда ётишлар ҳам бу тур тушларни кўп кўришликка сабаб бўлиши мумкин экан.
САВОЛ: Эрталаб уйқудан турганимда жинсий аъзойим қўзғалган холда бўлади. Лекин ич кийимимга озгина суюқлик чиққан бўлади. Уйланганман. Бу нормал ҳолатми?
ЖАВОБ: Эрталаб уйғонганда олат қўзғалган холда бўлиши лозим нарса. Яъни бу эркакнинг соғломлиги кўрсаткичи. Шаҳвоний туш кўргандирсиз ва шу сабабли ич кийимига суюқлик келиб қолаётгандир. Агар шаҳвоний туш кўрмаган бўлсангиз ҳам ич кийими ҳўлланиб қолаётган бўлса ёки тушни эслай олмаслигингиз мумкин. Яна бегона аёл билан алоқа қилиб «бонус» орттириб олган бўлишингиз ҳам мумкин.
Ҳолатингиз айтишингиз бўйича бўлса, маълумот етарли бўлмасада, норма бўлишидан кўра нормал эмаслиги катта эҳтимол. Чунки уйлангансиз. Простатит касаллиги борлиги катта эҳтимол. Шу сабабли андролог мутахассис кўригига боринг.
САВОЛ: Ёшим 22да. Деярли хар куни уйқудан уйғонганимда эрекция кузатаман. Рангсиз ва ҳидсиз суюқлик ажралган бўлади. Гоҳида эса фақат суюқлик ўзини кўраман. Ўнг моягимда гоҳида тортишганга ўхшаган санчиброқ оғриқ бериб туради. Бу оғриқ баъзида киндик соҳасига узатилади. Пайпаслаб кўрганда чап моякдан кўра каттароқ ва сиртида бироз ғадир-будурлик билинади. Онанизм билан 16-17 ёшимдан шуғулланаман. Ҳозир бир ойда 1-2 мартагача камайтирдим. Спермага қараганимда охирги томчиси сарғиш жигарранг тусда бўлади.
Ҳар куни эрталаб душ қилишга тўғри келмоқда. Мендаги оғриқ доимий эмас. Асосан онанизмдан сўнг. Булар қандайдир касаллик белгисими? Нима маслаҳат берасиз?
ЖАВОБ: Сиздаги ҳолат димланишли простатит ёки простатоз белгиларига ўхшайди. Балоғат даври ва оила қурмаганларда шаҳват кучлилиги сабабли доим қон димланиши ҳисобига ва кучли шаҳват қўзғалиши натижасида мояк ва мояк ортиғида симиллаб турадиган бироз оғриқ бўлиб туради. Бу оғриқ баъзан киндик томонга узатилади. Сиздаги белгилар айнан мояк ва унинг ортиғи димланганлиги ёки димланишли яллиғланиши белгиси бўлиши мумкин.
Онанизм туфайли оғриқ бўлиши аксари ҳолларда сийдик ва таносил аъзоларида яллиғланиш борлиги белгиси. Балки уруғ пуфаги яллиғлангандир. Спермани рангини адашиб жигарранг деб ўйлагандирсиз. Ҳақиқатда ҳам жигаррангга ўхшаш бўлса, бу аксари ҳолда спермада йиринг борлиги белгиси.
Эрталаб эрекция билан уйғониш бу соғлик белгиси. Ич кийимга суюқлик келиб қолиши шаҳвоний қўзғалиш ва балки шаҳвоний туш кўриш сабаблидир. Шаҳвоний туш ёки шаҳват қўзғалиши сабабли лубрикант мой сийдик йўлига чиқади ва секин оқиб чиқиб ич кийимида доғ ҳосил қилади. Бу ҳолат табиий. Агар бу суюқлик бир-икки томчидан ортиб кетса ва суюлиб кетса, шамоллаш белгиси ҳисобланади.
Тавсиямиз, онанизмни ташлаш керак. Спорт билан шуғулланиш ва жисмоний меҳнат қилиш лозим. Қолгани шунда ўз-ўзидан яхши бўлиб кетади.
САВОЛ: Уйланмаганман, 24 ёшдаман. Кечаси уйқуда бўшаниб кетишим мени кўп безовта қилади. Бу ҳолат 2 йилдан бери баъзан табиий, баъзан бир шаҳвоний туш кўриб, баъзан шунчаки ўз-ўзидан рўй беради. Уйқуда уруғ келиши ҳар ҳафта ёки 10-15 кунда бир бўлади. Бу ҳолат менга ёқмайди. Бунинг сабаб нима? Бу ҳолатни тўхтатса бўладими? Қандай докторга боришим керак?
ЖАВОБ: Сиздаги ҳолатни эҳтилом, яъни тиббиётда поллюция деб аталади. Уйланмаган йигитларда эҳтилом бўлиши нормал ҳолат ҳисобланади. Бир-бир эҳтилом бўлиши орқали тизим янгиланиб олади. Бу нормал ҳолат ва организм ўзини-ўзи назорат қилади. Бу фойдали, лекин бу дегани онанизм қилиб туриш дегани эмас асло! Эҳтилом бўлганда одамнинг кўнглига ёқмаслиги табиий ҳолат. Оила қуриб оилавий ҳаёт бошланганида бу ўз-ўзидан қолиб кетади.
Аслида сизда балки, эҳтилом аввалроқ ҳам бўлгандир. Агар сизда эҳтилом энди бошланган бўлса, безовталик эҳтилом бўлаётганлигингиздан эмас, айнан эҳтиломни кеч бошланганидан бўлиши керак. Агар эҳтилом кеч бошланган бўлса, бу жинсий ривожланишда орқада қолиш белгиси бўлади.
Тавсиямиз, айнан эҳтилом юзасидан безовталикка ҳожат йўқ. Бу ҳолатни тўхтатишга эҳтиёж йўқ ва аслида тўхтатиб бўлмайди. Нормал ҳолат бўлганлиги учун ҳеч қандай докторга боришга ҳам ҳожат йўқ.
Лекин сизда эҳтилом кеч бошланганлиги бор бўлса, унда албатта андролог докторга бориб текширилинг ва тегишли маслаҳат олинг.
