Ҳожибой Тожибоевнинг ёрдамчиси, қизиқчи Отабек Ҳасанов Ҳожибой Тожибоевнинг вафоти билан боғлиқ турли гап-сўзларга ойдинлик киритди.
«Уларнинг вафоти ҳақида ҳар хил гап-сўзлар бўлди, «ўлдириб юборишган» деганлар ҳам бўлган, тавба қилдим. «Кўп гапириб юборгани учун йўқ қилиб юборишди» дейишди. Аммо улар дарддан, касалликдан вафот этдилар.
Валижон Шамсиев гувоҳ бўлганлар. Концертда бирга эдик. Ҳожибой аканинг охирги концертларида, видеони кўрсанглар «Ҳов, эшикни ёпинглар, маза йўқ» деган жойлари бор. Хуршид Расулов бўлса керак, охирида қўшиқ айтаётган жойида Ҳожи ака танаффусга чиқдилар-да шундай стулга ўтирдилар ва мазалари қочди.
Валижон массаж қилиб ётибди, бу ёқда югур-югур, менга «залда Ҳожибой аканинг докторлари бор, шуни тезда топиб келинг» дейишди. Шунда залга томошабинларни орасига тушиб, докторларини топиб, Ҳожи акани ўзларига келтирганмиз. Ҳеч қандай тез ёрдам чақирилмаган, жуда мазалари қочган эди. Бу охирги концертларида бўлаётган воқеа эди. Ҳожи ака дарров ўзларига келдилар. «Халқлар дўстлиги» санъат саройи ходимлари чой дамлаб, иссиқ-иссиқ чой ичиб ўзларига келган. Шу нарсага ўзим гувоҳ бўлганман. Чиқдилар, халқни кулдирдилар.
Бир кундан сўнг «ака кеча нима бўлди», десам, «энди чарчайсиз-да, кўз тегади-да, ўқитиб қўйиш керак-да» дегандилар.
Отабек Ҳасанов, Ҳожибой Тожибоевнинг ёрдамчиси, қизиқчи
Ҳожибой Тожибоевнинг қизи Интизор Тожибоева интервьюларининг бирида дадаси ҳақида одамлар тарқатган асоссиз миш-мишлардан жаҳли чиқиши ҳақида гапириб берган эди.
Асоссиз миш-мишларни айтяпман. Дадамни автоҳалокатга учраб ҳалок бўлган дейишлари ёки кимдир ўлдирган деган ёлғон, бўлмаган гапларни эшитиш оғир ботади. Эътибор берган бўлсангиз, сўнгги концертларида аҳволлари жуда оғир эди. Дадам ҳаёт бўлганларида 60 йиллик юбилейларини нишонлаган бўлар эдик.
Интизор Тожибоева, Ҳожибой Тожибоевнинг қизи, актриса
Manba: 24soat.com -Saytdan olindi.
Ushbu ma'lumot http://hordiq.uz/ dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
