Ўсмирлик йилларим эди. Нима бўлди-ю, бир куни ногаҳон ножўя сўз туфайли отамнинг дилини ранжитиб қўйдим. Бир оздан сўнг уйимга келдим, қилган айбимни ўйлаб, кўзларимга ёруғ дунё тор бўлиб кетди. Энди қандай қилиб отамдан кечирим сўраш йўлини излай бошладим.
Отам уйимиз олдидаги йўл бўйига мевали дарахт ўтқазаётган эди. Мен ўзимни гўё отамга қарашаётган тутиб, ёнида куймалана бошладим. Аммо отам менинг келганимни сезмагандай ўз иши билан овора эди. Отам менинг келганимга парво қилмагани сайин эзилиб борардим. Ниҳоят, сукунатни бузиш мақсадида сўз бошладим: – Ота, нега ҳамма жойга мевали дарахт экаверасиз? Шунда отам: – Болам, ноқобил фарзанддан кўра шу мевали дарахт ҳам яхшида, – деб жавоб берди. Отамнинг бу жавоби юрагимга ўқдек қадалганди. Наҳотки, шу мевали дарахтча бўлолмаган бўлсам?… Тўғри, отам мени кечирди. Кейинчалик отамнинг имкон қадар дилини оғритмасликка ҳаракат килдим. Мана, орадан анча йиллар ўтиб кетди. Отам бу фоний дунёни тарк этиб, боқий дунёга рихлат қилди.
Отам эккан ўша олма дарахтлари бугун ғарқ пишиб ҳосилга кирди. Гоҳида уйда туриб кўчадан ўтган одамларнинг «шу дарахтни экканга раҳмат», – деган сўзлари қулоғимга чалиниб қолади. Шунда мен ўйга толаман:
Охирги марта қачон «Отангга рахмат»,- деган сўзни эшитдим. Баъзан кечалари уйқум қочади, кўчага чиқиб ўша дарахтни отамни қучгандай қучаман ва: «Отам авлиё экан»,- дейман шивирлаб…
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
