Al-Arabiya телеканали чўпонларнинг мамлакатнинг ғарбий қисмига яшириб қўйилган 25 миллион АҚШ доллари миқдоридаги ИШИД ташкилотига тегишли хазинани топиб олганлигини хабар қилди, деб ёзмоқда «РИА Новости».
Хабарга кўра, Анбар вилоятидаги чўпонлар террорчилар чўл ҳудудига яшириб қўйган умумий қиймати 25 миллион АҚШ долларига тенг бўлган пуллар, олтин ва кумушни топиб олган.
Аввалроқ Ал-Бағдодийни йўқ қилиш юзасидан операцияда АҚШ коалициясига ахборот берган жосус ИШИД раҳнамосининг ишончли одами бўлгани ва барча ҳаракатларни ундан қасос олиш мақсадида амалга оширгани ва бу учун 25 миллион АҚШ доллари миқдорида мукофот олиши ҳақида хабарлар тарқалган.
Washington Post нашри ушбу сирли шахснинг Абу Бакр ал-Бағдодийнинг Идлиб вилоятида қишлоқдан қишлоққа кўчишини ҳам ташкиллаштирганини ёзган. Нашрнинг қайд этишича, хабар берувчи Америка разведкасига нафақат Бағдодий яширинган уй манзилини, балки ҳужум вақтида билиш жуда зарур бўлган хоналар режасини ҳам тақдим қилган.
Жосус ИШИД раҳнамосига шу қадар яқин одам бўлганки, АҚШ ҳарбий операциялар ўтказган вақтда ҳам Бағдодийнинг ёнида юрган, лекин талафот кўрмаган. Дунёдаги биринчи рақамли террорчи ўлганидан икки кун ўтгач, жосус ва унинг оиласи хавфсиз ерга кўчирилган.
Энди у Ал-Бағдодийнинг тириги ё ўлиги учун ваъда қилинган 25 миллион АҚШ доллари миқдоридаги пулларни олишни кўзламоқда. Бироқ у ИШИД етакчисини фақат бойлик учун сотмаган, WP манбаларининг қайд этишича жосуснинг миллати араб ва у ташкилотдан яқин қариндошларидан бирининг ўлими учун қасос олган.
Аввал Бағдодий яширинган манзилни унинг ёрдамчиларидан бири орқали топилгани ёки ИШИД раҳнамосини унинг хотинларидан бири сотганлиги ҳақидаги тахминлар борлиги хабар қилинганди.
26 октябрда АҚШ ҳарбийлари 26 октябрь куни Сурияда ИШИД террористик ташкилоти етакчиси Абу Бакр ал-Бағдодийга қарши махсус операция ўтказилгани ва террорчининг душман қўлига тушмаслик учун ўзини портлатиб юборгани хабар қилинган, кейинчалик АҚШ президенти Дональд Трамп Ироқ, Сурия, Америка, Россия, Туркия ва курдларга операциядаги ҳамкорлик учун миннатдорчилик билдирган ва Бағдодийнинг «итдек ўлим топгани»ни қайд этиб, маълумотни расман тасдиқлаганди.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
