Тонировка ҳақида ҳали расмий қарор чиқмаган экан, демак, бизнинг фикримизни ҳам тинглаб кўриш имкониятингиз бор. Чунки қабул қилмоқчи бўлган қарорингизни вақт тиғизлиги нуқтаи назаридан барибир умумхалқ муҳокамасига қўймаслигингиз аниқ. Биз ҳам муҳокамага қўйиб, яна вақт чўзилишини истамаймиз, ўзи шундоқ ҳам жазирама кунларнинг кўпи кетиб ози қолди.
Қуйидаги фикрларни тонировка ҳақидаги кечаги постимга қолдирилган 120 дан ортиқ изоҳларнинг умумлашмаси деб қабул қилинг.
Биринчидан, ижтимоий тармоқларда резонанс келтириб чиқараётган мавзуларда Ҳукумат қарорларига ўзгариш киритилаётганини қадрлаймиз. Бизни эшитаётганингиз учун раҳмат айтамиз. Тўғри, ҳозирча бунақа реакция прописка, снос каби оғриқли мавзуларда кузатилмаяпти. Аммо шунисига ҳам шукр, ҳар ҳолда йўқдан кўра яхши.
Иккинчидан, аввало ўзингиз учун аниқлаб олинг, тонировкага рухсат беришдан мақсад халққа енгиллик беришми ёки халқнинг ҳисобидан пул ишлаш? Бу энг муҳим масала.
Агар мақсад шунчаки халқдан пул ишлаш бўлса, унда нархни сал инсоф билан белгиланглар.
Агар мақсад халққа енгиллик яратиш бўлса, унда тонировкани текин қилиш керак. Қуёшдан сақланиш – бу дабдаба эмас, бу ҳаётий эҳтиёж. Ўша ҳаётий эҳтиёжни халқ пулга сотиб олмаслиги керак.
Машина ўзиники, ойна ўзиники, қуёш нури табиатники, нега бунинг учун Ҳукуматга 2-3 млн сўм тўлаш керак?
Учинчидан, тўғри, ҳозир текин қилишни сўраш деярли бефойда, барибир халқ учун бепул қилмайсиз (балки кейинроқ бўлар, лекин ҳозир бўлмаслиги деярли аниқ). Унда келинг, нарх ҳақида гаплашамиз.
Ислоҳотлар ислоҳот учун эмас, аввало халқ манфаати учун бўлиши керак. Жамоатчиликни тинчитиш учун номига ўзгариш қилиш керакмас.
Халқ тонировка нархи қимматлигидан норози эди. 18 млн сўм жуда қиммат. Аммо сиз таклиф қилаётган 2-3 млн сўм ҳам арзон эмас (сўровномага қаранг).
Ҳа, тўғри, ушбу ўзгариш киритилса газеталар, ТВ, радиолар «халққа енгиллик бериш мақсадида тонировка нархи 9 баробарга арзонлашди, бу эса мамлакатимизда олиб борилаётган (уёғини ўзингиз давом эттиринг)… » деган гаплар билан тўлади.
Аммо статистика бўйича ўртача ойлиги 1,5 млн сўм бўлган аҳолига 1 йил учун 2-3 млн сўм белгилаш ҳам нотўғри. Кўпчиликда бу нархга тонировка ўрнатиш имконияти бор, бу ҳам рост. Аммо бу табақаланишни бутунлай йўқотмайди. Ижарага машина ҳайдаб, ҳар куни кўчада киракашлик қиладиган оддий аҳоли учун бу тўлов имконсиз, улар яна жазирамада қоврилишда давом этаверади.
Тўртинчидан, шу суммани 2-3 млн сўм эмас, 400-500 минг сўм қилиб қўйсангиз, Сиздан нима кетади, айтингчи? Ҳукумат нима йўқотади? Ахир тонировка учун Ҳукумат ҳеч қанақа харажат қилмаяпти-ку.
Ҳаводан пул қиляпсизлар, шу фойдани инсоф билан қилса бўлмайдими? Боз устига тонировкадан тушган пуллар давлат бюджетига эмас, ИИВнинг ўзини жамғармасига тушади-ку. Сал мантиқни ишлатинглар, илтимос.
Бешинчидан, агар барибир шу нархда қолмоқчи бўлсангиз, унда 2 та таклиф бор:
1) белгиланган суммани ойма-ой бўлиб тўлаш имкониятини бериш керак; 2) кимдадир тонировкага асосан апрель-сентябрь ойларида эҳтиёж бўлади. Шу сабабли 6 ойлик тариф ҳам қўшиш керак. Бу таклиф этилаётган нархни 2 бараварга арзонлаштиради.
Олтинчидан, қабул қилинаётган қарорда орқа эшикларга парда масаласига оид низога ҳам ечим бериладими? Парда ўрнатиш текин, боз устига қулай. Исталган пайти кўтариб, исталган пайти тушириш мумкин, тонировкада унақамас. Шу сабабли парда масаласига ҳам узил-кесил ечим керак.
Бир нарсани унутманг, биз парда масаласида Ҳукуматдан ортиқча нарса талаб қилмаяпмиз, шунчаки қонунларда белгиланган рухсатни мардларча тан олишларини сўраяпмиз холос. «Шум бола» фильмида айтадику, "Ҳалол ишлаб топган ҳаққини сўраяпти, бой” деб.
Эътиборингиз учун раҳмат.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
