Бойваччанинг тавбаси:
— Кун бўйи чоп-чоплар шу қадар кўпки… Қийналиб кетаман… Оқибатда, уйга аранг кириб келаман… Чўнтакдаги даста-даста пулларни чиқариб столга қўйишгаям куч йўқ… Турмага ўхшайди бу ҳаёт…
* * *
Юраги операция қилинган беморни врач уйига кузатяпти.
— Хуллас, чекиш, ичиш тақиқланади. Кунига саккиз соатдан ухлайсиз.
— Аёллар масаласи-чи, дўхтир?
— Фақат хотинингиз билан… Сизга ортиқча эҳтиросга берилиш ўлим демакдир!
* * *
Кичкинагина болакай йўлда кетаётиб ўзича қўшиқ айтяпти:
— Оҳ, энди сени ўзганинг лаблари эркалайди!
Бир йигит уни кўрди-да, кулди.
— Нима, севган қизинг ташлаб кетдими?
— Йўқ… Чупа-чупсимни йўқотиб қўйдим.
* * *
Ялмоғиз кампир ўрмонда кетаётса, дарахт устида бир қиз либоссиз ўтирибди. Сўради:
— Уялмайсанми кийимсиз ўтиришга?
— Мен кийимсиз эмасман. Бу эҳтирос қўзғатувчи кийим.
Ялмоғиз ҳам уйга келиб кийимларини ечди-да, кўчага чиқди. Нариги томондан Ўлмас Кашшей келаётган экан.
— Вей, кампир, жинни бўлдингми? Нега кўчада яланғоч юрибсан?
— Яланғочмасман. Бу эҳтирос қўзғатувчи кийим.
— Унда шу кийимингни дазмоллаб олсанг бўлармиди…
* * *
Икки жинни кўчада кетаётганди. Бири иккинчисига деди:
— Қара, ўлик қуш!
Шериги осмонга қараб сўради:
— Қани?
***
Талабалар турмуш қуришди. Тўй куни кимдир сўради:
— Тўхтанглар, нега келин ичмаяпти?
— У пул қўшгани йўқ.
* * *
— Дўхтир, тўғрисини айтишга қўрқяпман…
— Айтаверинг! Биз руҳшуносларга ҳаммасини батафсил айтиб бермасангиз бўлмайди.
— Қачон қарасам, орқамдан қандайдир бегона одамлар эргашиб юргандек туюлаверади.
— Шунақа денг?.. Ким бўлиб ишлайсиз?
— Музейда экскурсоводман.
* * *
Терговда.
— Хўш, бундай олий маълумот ҳақидаги ажойиб дипломни қаердан сотиб олдингиз?
— Сотиб олмадим. Йўлдан топиб олдим.
— Ў, айнан сизнинг номингизга ёзилган дипломни йўлдан топиб олдингиз! Қандай тасодиф!
— Ҳа.
— Хўш, бу тасодифни қандай изоҳлайсиз?..
— Бу тасодиф эмас. Паспортимни кейинроқ сотиб олганман, холос.
* * *
Беш яшар бола сўради:
— Ойи, сиз қаердан пайдо бўлгансиз?
— Мени денгиз тўлқини соҳилга чиқариб ташлаган.
— Дада, сиз-чи?
— Мени карамнинг ичидан топиб олишган.
— Опа, сиз-чи?
— Мени лайлак ташлаб кетган.
— Уф-ф, бу уйдагиларнинг биронтаси одамга ўхшаб туғилганми ўзи, йўқми?
