Улар баъзан оддий одамлардек юрадилар, оломонга қўшилиб кетиб, уларнинг ичида ажралмай қола оладилар. Баъзан эса ҳақиқий агентларга ўхшаб оладилар – қора костюм, қора кўзойнак ва қулоққа тақилган микрофон билан.
Биз жангари фильмларда тансоқчиларни доимо урушиб, отишиб юришларига ўрганиб қолганмиз, аслда эиса уларнинг вазифалари умуман бошқача. Тансоқчилар мижозларини муҳофаза қилишлари учун улар юришалари керак бўлган йўналишларнинг хавфсизлигини режалаштирадилар ва текширадилар, бино ва хоналарни олдиндан кўздан кечириб чиқадилар, қўриқланаётган шахснинг учрашмоқчи бўлган одамлари ҳақида маълумотлар йиғадилар, юришлари керак бўлган транспортларни тинтиб чиқиб, уларга сафар ва маросимларда ҳамроҳлик қиладилар. Маълум сабабларга кўра, буларнинг барчаси ўта махфий ҳолда бажарилади. Қуйида баъзи дунё раҳбарларининг хавфсизлик хизмати ва тансоқчилари ҳақидаги маълумотлар билан танишишингиз мумкин.
Владимир Путин ҳамда ФХХ
Федерал хавфсизлик хизмати – Россиянинг кучли, қудратли ва энг махфий махсус хизматидир. Унинг кўлами ва вазифаси ҳақида фақатгина тахмин қилишгина мумкин. Баъзи маълумотларга қараганда, бугунги кунда Россиянинг Федерал хавфсизлик хизматида 50 минг нафар агент хизмат қилади.  Бу шахслар ҳеч қандай ордерсиз одамларни яширин ҳолда тинглаш, тинтув олиб бориш, фуқароларни тўхтатиш ва автомобилларни мусодара қилиш ҳуқуқига эгадирлар. Улар давлат органлари жойлашган Москванинг 12 та кўчасини назорат қиладилар, бу ерда яшовчи аҳолининг барчаси кузатув остида (уларнинг ҳар бири ҳақида шахсий маълумотлар йиғилган). Бироқ энг асосий вазифа – "биринчи рақамли объектни” муҳофаза қилишдан иборатдир. Собиқ СССР ҳамда КГБ давридан бу ҳақда кўплаб миш-миш ва уйдирмалар юрарди. Шулардан энг кўплари Путин ва унинг қиёфадошлари билан боғлиқ. Гўёки президентнинг қирувчи самолёт штурвалини бошқарган ҳолда Чеченистонга учиши ёки батискафда Байкал кўлининг тубига тушиши каби хатарли тадбирларда қиёфадошларидан фойдаланган.
Путиннинг собиқ тансоқчиси Алексей Дюминнинг айтишича, давлат раҳбарининг ҳаётига хавф соладиган ҳолатлар етарлича содир бўлган. Маълум бир вақтлардан кейин улар ҳақида гапириш мумкин бўлиб қолар, аммо ҳозир эмас (ҳозирча бу маълумотларнинг ошкор этилиши қатъий тақиқ остида). Шуниси маълумки, 2001 йилдан бери Путинга камида тўрт маротаба суиқасд уюштирилган. 2000 йилдан, яъни Путин ҳукумат тепасига келганидан бошлаб 2016 йилгача ФХХ ни собиқ мудофаа генерали Евгений Муров бошқарган. 2016 йилнинг май ойида 70 ёшга тўлиши муносабати билан истеъфога чиққан.
Унинг ўрнини Дмитрий Кочнев эгаллади. Бу инсонни "таржимаи ҳоли бўлмаган шахс”, деб аташар эди. Чунки Кремлнинг ҳам, ФХХ нинг ҳам сайтларида у ҳақда ҳеч қандай маълумот йўқ эди. Ҳозирги кунда эса қисқагина "резюмеси” бор холос: "1984 йилдан 2002 йиллар давомида СССР ҳамда РФ бошқармаларида фаолият юритган». Барак Обама ҳамда АҚШ нинг Махфий хизмати
Таажжубки, ушбу федерал агентлик бирваракайига иккита турли хил вазифани бажаради: президент ва унинг оиласини муҳофаза қилади ҳамда Америка пулларини қалбакилаштиришга қарши курашади. Россиялик ҳамкасбларидан фарқли ўлароқ улар расмий сайтлари орқали ўзлари ҳақида бемалол маълумотлар бера оладилар. Масалан, бошқармада 3200 нафар махсус агент, Оқ уйнинг 1300 нафар қўриқчиси ҳамда 2000 нафар яна қўшимча ходимлар (техниклар, бошқарувчи ва бошқалар) – жами 6500 нафар одам хизмат қилиши ҳақида очиқ айта оладилар.  Барак Обама Махфий хизмат фаолияти билан сайловлардан 18 ой аввал танишишга улгурган (АҚШ тарихидаги бошқа президентликка номзодлардан анча аввал). Миш-мишларга қараганда бу нарса президентнинг рафиқаси Мишель Обамани тинчлантириш учун қилинган, чунки унинг турмуш ўртоғи номзодларнинг ичидаги энг биринчи қора танли етакчи эди, шунинг учун ҳам унинг радикал душманлари бошқаларникига нисбатан анча кўп бўлиши табиий эди. Мишель ана шундан хавотирда эди. Кейинчалик унинг хавотири ўз исботини топди – ходимларнинг айтишларича, Обаманинг президентлик даврида Махфий хизмат кўпгина хатар ва таҳдидларнинг олдини олиш учун бир неч баробар кучайтирилган режимда ишлаган.  Махфий хизмат мунтазам равишда энг олди техника мосламалари билан таъминланади: юз қиёфасини англай оладиган гаджетлардан тортиб, энг сўнгги русумдаги бронемашиналаргача. Обама ҳарбий даражадаги зирҳли "Cadillac” машинасида юрарди, унинг эшикларининг қалинлиги 20 сантиметрга тенг бўлиб, автоматик тарзда беркиларди. Бу машинанинг шартли номи – "Дилижанс” бўлсада, халқ орасида у "йиртқич”, деб аталади. Ушбу лимузин ичида президент ташқи оламдан буткул узилган бўлади, бироқ ишончли алоқа воситалари орқали исталган шахс ва мамлакат билан боғлана олади. Миш-мишларга қараганда президент Махфий хизматининг ўнга яқин шундай "Cadillac”и бор.
Бироқ инсон омили ҳар қандай техникадан устун туради. Шунга қарамай бошқарма агентлари президент хавфсизлигига путур етказишларига бир баҳя қолган. Масалан, 2012 йилда Американинг Колумбиядаги Саммитида Обаманинг соқчилари ўзлари яшайдиган меҳмонхонага фоҳишаларни чақиртирганлар ва ҳаттоки гиёҳванд моддалар ҳам истеъмол қилганлар. Енгилтабият аёллардан бири кейинчалик "агар мен террорчи бўлганимда, хоҳлаган ишимни бажара олган бўлар эдим, чунки бизни чақиртирган соқчи-мижозлар бамайлихотир ухлаб ётар эдилар”, дея таъкидлади. Айбдорлар дарҳол ортга қайтарилди, Обама уларни "аҳмоқ каллалар” дея урушди, бошқарма эса талабчанликни кучайтирди.
2014 йилда Махфий хизмат бошқармасига аёл киши раҳбар қилиб тайинланди, бунда ундан ҳам баттар воқеа содир бўлди. Обама Амстердамга давлат ташрифи билан борганида унинг уч нафар соқчиси орқага қайтариб юборилди. Гап шундаки, ушбу соқчилардан бири ҳаддан ташқари кўп миқдорда спиртли ичимликлар истеъмол қилиб, маст ҳолга келади ва меҳмонхона йўлагида думалаб қолади. Икки нафар шериклари эса уни ичкиликдан қайтара олмаганликлари учун ишдан ҳайдаладилар. Ҳудди шу йилнинг куз ойларида яна бир можаро содир бўлди: бир эркак киши қўлидаги пичоғи билан дарвозадан сакраб ошиб, ҳеч қандай тўсиқларга дуч келмаган ҳолда Оқ уйга кириб бора олди. Кириш йўлагидаги сигнализация носозлиги учун ишламай қолган. Бостириб кирган эркак киши эшик олдидаги аёл соқчини енгиб ўтиб, банкет залга йўл олган. У ерда уни ишдан уйга қайтмоқчи бўлиб турган агент қўлга олган. Бундай масъулиятсизликлардан кейин Махфий хизмат бошлиғи бўлган аёл истеъфога чиқарилган.
Доналд Трамп ва "Денгиз мушуклари”
Айтишларича, Доналд Трамп ҳали президентликка сайланмасидан аввал, "оддий миллионер” давридаёқ шахсий "охранаси”га Махфий хизматнинг собиқ агентларини ҳамда Ҳарбий денгиз Флотига қарашли "Денгиз мушуклари” номли нуфузли бўлинманинг жангчиларини ёллаган эди. Ҳарбий денгиз тайёргарлигини кўрган Нью-Йорк полициясининг собиқ детективи Кит Шиллер 90 йиллардан бери Трампнинг бош тансоқчиси ҳисобланади. Айтишларига қараганда, у Трамп ва унинг оиласига жуда содиқ ҳамда Махфий хизматнинг фаолиятдаги кўпгина агентларидан анча устун. Ҳаётда "юмшоқ ва меҳрибон” бўлгани билан, ишда "учар ва қаттиққўл” бўлган Шиллер кўпгина можароларнинг марказида бўлиб келади. Илк маротаба у профессионал рестлер Винс Макменнинг Трампга нисбатан ҳазиломуз ташланишини тўхтатиб қолиб, кўпларнинг диққат марказига тушди. Охирги пайтларда эса у президентнинг антииммиграцион сиёсатидан норози бўлганларни жойига қўйиб қўймоқда.
Британия қироличаси ва Бош вазирнинг қўриқчилари
Британия қироллик оиласи ва ҳукумат аъзоларини Лондон полициясининг махсус операциялар Бошқармаси ҳузуридаги муҳофаза гуруҳи қўриқлайди. Ушбу гуруҳ офицерлари британиялик оддий полициячиларидан фарқли ўлароқ ҳамиша қуролланиб юра оладилар. Дарҳақиқат, Британия полициясининг аксарият қисми ўқ отар қуроллар олиб юрмайдилар ва ҳаттоки унга руҳсатномалари ҳам йўқ (қуролга руҳсатнома олиш, уни сақлаш жуда мушкул, отишма оқибатида жиноятчи ёки бошқа бирор кимсанинг ҳалок бўлиши эса қаттиққўллик билан жазоланади).  Британия Бош вазирининг қўриқчилари дунёнинг энг олди агентлари ҳисобланадилар. Бироқ омма уларнинг ғалати даражадаги нопрофессионалликларига гувоҳ бўлган. Масалан, 2014 йилда қандайдир йигит бемалол, ҳеч қандай қийинчиликсиз Бош вазир Девид Кемероннинг ёнига келиб, уни итариб юборган. Тансоқчилар нотаниш йигитни дарров ушлаб олиб, у билан овора бўлиб қолдилар. Унгача эса Бош вазир бир ўзи четда туриб қолди. Муҳофаза гуруҳининг собиқ ходимларидан бирининг берган тушунчасига қараганда, бундай вазиятда бошқа ҳамлаларнинг олдини олиш учун Бош вазир қўриқчилари билан ўраб олиниб, машинасига ўтказилиши керак эди. Қиролича Елизаветани эса мана бу азамат ва жасур аскарлар муҳофаза қиладилар. Булар қироллик резиденцияларини қўриқлайдиган Гвардиячи гренадерлардир. Ҳамма уларни сарой "декорацияси” ёки шунчаки туристларнинг кўнглини олиш ва томоша қилиш учун қўйилган солдатлар, деб тушунадилар. Аслида эса бу энг олди аскарларни саралаб оладиган Британия армиясининг жанговарлик қобилиятига эга бўлинмаларининг жангчиларидир. Сайёҳларнинг қўпол муомалалари ва ҳурматсизларча кулишларига қарамасдан, Қироллик гвардиясида хизмат қилиш – энг катта шараф ҳисобланади. Айтганча, гвардиячилар ҳам анойи эмаслар, улар жавоб қайтаришга ҳақлидирлар. Улар ҳаддан ташқари қитмир сайёҳ ёки томошабинларга бақириб беришлари ҳамда найзали милтиқларини уларга қараб ўқталишлари ҳам мумкин. Агарда буям таъсир қилмаса, улар тартиб бузувчини ҳибсга олишлари ёки кўмак чақиртиришлари ҳам мумкин.  Қиролича қўриқчиларининг тантанали формалари 45 см дан иборат айиқли шапкалари билан машҳур. Фараз қилишларича, бундай қалпоқлар даставвал душманларга аскарларнинг бўйлари баландроқ, ўзлари эса ҳайбатлироқ кўринишлари ҳамда тантаналарда таассуротни кучайтириш учун кийдирилган. Анъана бўйича, қалпоқлар Шимолий Американинг қора айиқларнинг териси (ёки қўнғир айиқларнинг қора рангга бўялган териси) дан тикилади. Бунда битта қалпоқ учун битта бутун тери сарфланади. Табиийки, ҳайвонларни муҳофаза қилувчилар бунга қаттиқ қаршилик билдирадилар. Айиқли қалпоқлар ҳайбатли кўрингани билан оғир эмас, бор йўғи 1,5 фунт (яъни 700 грамм) ни ташкил этади. Лекин шунга қарамасдан иссиқ кунларда бундай шапкаларда узоқ вақт давомида қимирламай туриш натижасида гвардиячилар ҳушларини йўқотишлари ҳам мумкин.
Manba: 24soat.com -Saytdan olindi.
Ushbu ma'lumot hordiq.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
