![](/_nw/71/54099055.jpg)
1. Америкаликлар Хиросима ва Нагасакига атом бомбаси ташлашдан олдин аҳолини огоҳлантирувчи варақаларни тарқатишган. 2. Хиросима мэри Тадатоси Акиба ўнлаб йиллар Америка раҳбарларига атом бомбаси ишлаб чиқаргач, синовдан ўтказмасликка чақириб мактублар ёзган.
3. 1964 йили Хиросимада «Тинчлик» деб аталган оловни ёқишди. Бу олов дунёда ядро бомбалари сўнгги мисқолигача йўқ қилингунга қадар ўчмайди.
4. Хиросимага атом бомбаси ташлангач, тирик қолган полициячилар Нагасакига юборилган. Улар аҳолини «Сакра ва устингни ёп» деб номланган алоҳида усулга ўргатишган. Бу усул атом бомбасидан сақланиш учун ўйлаб топилганди. Айтишларича, усул шарофати билан Нагасакида атом бомбаси қурбонлари Хиросимадагига қараганда камроқ бўлган экан.
5. Хиросималик Цитому Ямагучи исмли эркак бомба ташлангач, бомбадан сақловчи ертўлада ётган. Шу ерда тунаган ва эрталаб поездга ўтирган-у, Нагасакига жўнаган. Қарангки, у ерга келибоқ, иккинчи марта атом бомбаси жабрини тортган. Ажабланарлиси, у ерда ҳам тирик қолган. Худонинг хоҳиши экан-да.
6. «Олеандр» гули расман Хиросима тимсоли ҳисобланади. Чунки шу гул атом бомбаси портлагандан кейин биринчи бўлиб ўса бошлаган экан.
7. Хиросима ва Нагасакига Американинг «Enola Gay» самолётидан бомбалар ташланган. Самолёт экипажига 12 дона таблетка кўринишидаги заҳар берилган. Агар бомбардимон муваффақиятсиз якун топса, шу заҳарни ичиб жонига қасд қилиш буюрилган.
8. Хиросимада атом бомбаси портлашидан сўнг тирик қолган (кўпчилиги жиддий жароҳатлар олган) юзлаб одамлар эртаси куниёқ Нагасакига қочган. Бахтга қарши яна бомбардимон остида қолишган. Хиросимадан қочиб Нагасакига борганларнинг 165 нафаригина тирик қолган холос. Улар ҳам бир умрга ногиронга айланган.
9. Хиросимада портлаган атом бомбаси портлаш марказидаги буюмлардан тортиб одамларгача тириклай куйдириб кул қилган.
10. Атом бомбаси портлайдиган куни Хиросимада стол тенниси бўйича турнир бошланганди. Бомба турнир ўтаётган жойдан уч километргина узоқликда портлаган. Гарчи бино жиддий талофат кўриб, кўпчилик жароҳатлар олса-да, ташкилотчилар ва спортчилар турнирни якунига етказишган.
11. Хиросимада атом бомбаси портлаганидан Токиодагилар орадан уч соат ўтгачгина хабар топишган.
12. Айтишларича, япон ҳарбийлари осмон-у фалакда бортига атом бомбаси юкланган Америка самолётини кўришган. Фақат уриб тушириш учун ускуна мавжуд бўлмагани сабабли тек қотишга мажбур бўлишган.
13. Хиросима ва Нагасакида портлаган атом бомбалари қурбонларининг 25 фоизи Кореядан ишлаб пул топиш учун келган муҳожирлар бўлиб чиққан.
14. Хиросима ва Нагасакига атом бомбасидан олдин америкаликлар ошқовоқ шаклидаги «Pumpkin» бомбасининг 49 тасини ташлаган. Бунинг оқибатида 400 киши ўлим топган, 1200 киши оғир жароҳат олган. Manba: 24soat.com -Saytdan olindi. Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|