Юлдузларнинг ҳаёти оддий мухлислар учун ташвишсиз ва бахтлидек кўринади. Гўёки, уларнинг ҳаётида муаммолар, касалликлар, қийинчиликлар ҳеч қачон содир бўлмайдигандек. Аммо касалликлардан ҳоли бўлиш имконияти ҳеч бир инсонга берилмаган.
Таниқли модел Белла Хадид ҳар куни суратга олиш ишлари ўртасидаги танаффуслар вақтида осма укол олиши ҳақида биласизми? Машҳур реалити шоу юлдузи Ким Кардашян эса энг катта орзуларидан бири псориаз касаллиги устидан ғалаба қозониш эканлигини айтган эди. Бугун турли касалликлар ва муаммоларга қарамай, ҳеч қачон меҳнат қилишдан тинмайдиган, ўз соҳасида катта муваффақиятларга эришган юлдузлар ҳақида суҳбатлашамиз.
Леди Гага 2017 йилда Леди Гага ўзида сурункали фибромиалгия касаллиги бор эканлиги ҳақида сўзлаган эди. Хонанда 2013 йилда танасида чидаб бўлмас оғриқлар кузатилаётгани, бунинг сабабини аниқлай олмаётгани ҳақидаги маълумотларни мухлислари билан бўлишган. "Мен фибромиалгия касаллиги билан оғриган инсонларга ёрдам беришни ва уларни имкон қадар бирлаштиришни истардим. Биз барчамиз ўз ҳикояларимиз орқали ўзаро ёрдам беришимиз мумкин” деган эди таниқли хонанда.
Фибромиалгия билан оғриган инсонлар уйқу сифатининг ёмонлиги, мушаклардаги оғриқ, доимий чарчоқ, ҳотиранинг йўқолиши, эътиборсизликдан азият чекадилар. Бугунги кунда дунёдаги одамларнинг 4%и айнан мана шу касалликка чалинган экан.
Мерилин Монро Афсонавий актриса Мерилин Монро ҳақидаги миш-мишлар ҳаддан ташқари кўп. Айрим тарихчилар унинг бироз ғалатироқ қадам ташлашига сабаб бир оёғи иккинчисидан калтароқ бўлгани эканлигини айтишади. Актриса эса ушбу камчиликни билдирмаслик мақсадида қадам ташлаган вақти рақсга тушгандек ҳаракат қилиб юрган.
Бундан ташқари актрисада руҳий муаммолар ҳам етарлича бўлган. У уйқусизлик ва эйфория ҳуружларидан азият чеккан. Касаллик унинг иш фаолиятига ҳам таъсир қилган, суратга олиш ишларига салбий таъсир кўрсатган.
Ким Кардашян Ким Кардашяннинг бир кун давомида миллионлаб доллар ишлаб топишини кўпчилик билади. У 2017 йилда ижтимоий тармоқдаги саҳифаси орқали Янги йил байрамига энг катта совға – унинг учун псориазнинг йўқ бўлиб кетиши эканлигини айтиб ўтганди. У кўп йиллар давомида бунинг учун махсус пархез тутган, ҳар куни терига керм суртиб юришга мажбур бўлган, кўплаб дори воситаларини қабул қилган.
Норман Ридус "Юрадиган мурдалар” сериали юлдузи Норман Ридус ҳам саломатлик бобидаги кўплаб муаммоларга дуч келган.
У 2005 йилда Германияда автоҳалокатга учраган, шундан кейин актёр чап кўзидан айрилган. Бундан ташқари, юзининг чап томонидаги суяклари парчаланиб кетган. Операциялар вақтида унга 4 та металл штифт қўйилган, чап кўзи эса титан пластина билан алмаштирилган.
Белла Хадид 2015 йилда Белла Хадидга оғир касалликка чалингани айтилди, унга Лайм касаллиги ташҳиси қўйилган. Ушбу касаллик кана чақиши оқибатида пайдо бўлади, Белланинг онаси ва укаси ҳам айнан мана шу касалликдан азият чекадилар. Касаллик доимий бош оғриғи, мушаклардаги оғриқ, заифлик, безгак, чарчоқ, қисман шоллик, уйқусизлик ва тушкунлик билан кечади. Белла ҳар куни осма укол олади ва мунтазам равишда антибиотикларни қабул қилади. Баъзан супермодел оғриқлар сабабли суратга олиш ишларини бекор қилишга ҳам мажбур бўлар экан.
Лил Уейн Таниқли репер Лил Уейн болаликдан тутқаноқ касалигидан азият чекса-да ижодда катта ютуқларга эриша олди. Ўзининг айтишича, касалликни енгишда унга онаси катта ёрдам берган.
2017 йилда репер 3 та кетма-кет ҳуруждан кейин зудлик билан шифохонага олиб кетилган.
"Аввал ҳам кўп бора ҳуруж бўларди, аммо бу сафар аҳволим ҳақиқатан ёмон эди. Ўлиб қолишим ҳам мумкин бўлгани сабабли тез ёрдамни чақиришга мажбур бўлдик. Бу ҳуружлар шунчаки бўлгани йўқ, улар мунтазам равишдаги стресслар, чарчоқ ва дам олмаслигим сабабли келиб чиққанди”.
Селена Гомес 2015 йилда хонандага тери силининг бир тури дея ташҳис қўйилган. Ушбу касалликда тери тошмалар билан қопланади, чарчоқ ва мушакларда оғриқ ҳисси пайдо бўлади. Касаллик оқибатида хонанда чуқур тушкунликка тушган. Селена кимё терапияси курси учун гастрол сафарларини тўхтатган. Аҳволи бир муддатга яхшиланган, аммо тез орада касаллик қайта бош кўтарган. 2017 йилга келиб унга дугонаси Франсия Райсанинг буйраги кўчириб ўтказилди.
Сиа Хонанда Сиа ўзи ҳақида бошқаларга сўзлаб беришни унчалик ёқтирмайди. Аммо унинг ҳаёти курашлар билан тўла. У Лондонга кўчиб келганидан кейин севган инсони автоҳалокат оқибатида оламдан ўтди, шундан кейин хонанда чуқур тушкунликка тушиб қолди.
Айнан мана шу вақтда унга Грейвс касаллиги ташҳиси қўйилди. Ушбу касаллик одатда мушаклар заифлиги, жиззакилик ва узоқ уҳлаш билан кузатилади. 2010 йилда хонанда саломатлиги сабабли консертларини бекор қилган ҳам эди.
Жек Осборн Жек Осборн 2012 йилда ўзига ҳотиранинг йўқолиши ташҳиси қўйилгани ҳақида маълум қилди. Унинг бир кўзидаги кўриш қобилияти 60 % га камайган. Жек бугунги кунда айнан шу касаллик билан оғриган беморлар учун ҳайрия фондини ташкил қилган. Унинг айтишича, мазкур касаллик "ҳаётнинг якуни” дегани эмас. Таниқли супермодел Жижи Хадид Хашимото касаллигидан азият чекади. Бу қалқонсимон безнинг сурункали яллиғланиши бўлиб, эндокрин тизимига катта зарар етказади. Уни даволаш ҳаддан ташқари қийин. Жижи ҳасталик туфайли сўнгги йилларда жуда озиб кетди, нашрлар эса моделнинг анорексияга чалинганини таҳмин қилгандилар.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
