Ўтган йилнинг декабр ойида
актриса Приянка Чопра ва таниқли хонанда Ник Жонас расмий равишда оила
қурдилар. Орадан бир йил вақт ўтиб эса юлдузлар оиласи ўзлари учун
ҳаётлари давомидаги биринчи умумий кўчмас мулк, Лос-Анжелеснинг Энсино
номли қояли ҳудудида жойлашган ҳашаматли уй сотиб олишди.
Уйнинг умумий майдони 1858 квадрат метрга тенг бўлиб, нархи 20 миллион АҚШ долларини ташкил қилади. Замонавий
услубда қурилган икки қаватли уйда меҳмонхона, 7 та ётоқхона, 11 та
ваннахона, ошхона, 12 киши учун мўлжалланган таомланиш хонаси, тренажёр
зали, шунингдек 12 та автомобил учун мўлжалланган ер ости гаражи мавжуд. Уй
интерери ёрқин рангларда яратилган бўлиб, айрим қисмларда ёғоч ва
мармардан ишланган элементлар кўзга ташланади. Хоналарнинг барчаси кенг
ойналар билан жиҳозланган, улар Сан-Фернандо водийсини қуршаб турган
бетакрор тоғларни кўриш учун имкон беради. Уй
катта базмлар ва турли маросимларни ўтказиш учун ҳам мос келади.
Хонадонга ташриф буюрган меҳмонларни боулинг хонаси, бар, уй кинотеатри,
билярд хонаси ва баскетбол майдони ҳам ҳайратда қолдиради. 124,4
сотих майдонни эгаллаган катта бассейн ҳам бўлиб, унинг ёнгинасида
таомланиш учун махсус жой ҳам бор. Бу ерга бутун оила аъзоларини
сиғдириш мумкин. Қоровуллар хонаси, кузатув камералари бўлими ва йирик
панжаралар эса уй эгаларининг хавфсизлигини тўлиқ таъминлай олади. Айтиш
керакки, ушбу ҳудудда кўплаб спорт ва кино юлдузлари яшайдилар. Мисол
учун, Приянка ва Никка тегишли бўлган ушбу уйдан 5 километр узоқликда
хонанда Жо Жонас ва унинг рафиқаси,»Тахтлар ўйини» сериали юлдузи Софи
Тернер истиқомат қилади.
Manba: 24soat.com -Saytdan olindi.
Ushbu ma'lumot hordiq.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
