![](/_nw/49/69619719.jpg)
25 ёшли Шимолий Ирландиядан бўлган ҳайдовчи Мо Робинсон 25 ноябр, душанба куни судда ҳозир бўлди ва Буюк Британияда ноқонуний муҳожирлик тармоғини ташкил қилишда айбдорлигини тан олди. Унинг сўзларига кўра ушбу тармоқда 2018 йил 1 майдан 2019 йил 24 октябр куни Эссексда, юк машинасидаги одамлар ўлимида гумонланиб ҳибсга олингунича ишлаган.
Робинсон судянинг саволларига Лондон яқинидаги Белмарш шаҳарчасида жойлашган қамоқхонадан туриб, видеоалоқа орқали жавоб берган. У ноқонуний муҳожирларни ташишда иштирок этгани ва бунинг учун нақд пул олганини айтган
Ундан 39 кишининг ўлимида айбдор деб тан олиш-олмаслиги ҳақида сўрашмаган. Робинсонга одамлар ўлимидан ташқари ноқонуний муҳожирлик ва контрабандани ташкиллаштириш айблови қўйилган.
Ушбу иш доирасида Робинсон билан бирга Шимолий Ирландиядан бўлган яна бир шахс, 23 ёшли Кристофер Кеннеди ҳам ҳибсга олинган. У ноқонуний ишлатиш учун муҳожирларни қонунга зид равишда Британияга олиб киришда айбланяпти.
Бу иш бўйича ҳибсга олинган яна уч киши гаров эвазига озодликка чиқарилган.
Мо Робинсон бошқарган рефрижераторли юк машинаси 2019 йил 23 октябрга ўтар кечаси Англиянинг Эссекс графлиги, Грейс шаҳарчаси четидаги саноат ҳудудида тўхтаб турганида ичидан 39 та жасад топилган эди. Жасадларнинг 31 нафари эркак, 8 нафари аёл жинсига мансуб бўлиб, уларнинг орасида вояга етмаганлар ҳам бўлган. Дастлаб улар Хитой фуқаролари бўлиши мумкинлиги тахмин қилинган, аммо кейинроқ барчаси вьетнамлик экани маълум бўлганди.
Қурбонлардан бири, Фам Тхи Ча Мининг акаси Би-Би-Сига синглиси Буюк Британияга етиб олиш учун контрабандачиларга 30 минг фунт-стерлинг (38 минг АҚШ доллари) тўлагани ҳақида айтган. Жасадлар топилган рефрижератор Эссексга Белгиянинг Зебрюгге портидан жўнатилган. Manba: 24soat.com -Saytdan olindi. Ushbu ma'lumot hordiq.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|