![](/_nw/71/00330715.jpg)
37 ёшли россиялик физик-ядровий олим Данил Тлисов Швейцариядаги ядро тадқиқотлари йирик лабораториясида ишларди. Март охирида олим Россияга қайтди ва дарҳол карантинга олинди. У Швейцарияда коронавирус юқтирган экан. Лекин икки марта врачлар текшируви унинг организмида коронавирус йўқлигини кўрсатди. Учинчи мартасида Москвадаги Коммунарка шифохонаси врачларигина ёш олимнинг коронавирус юқтирганини аниқлашди. Аниқроғи, 4 апрел куни ёш олимни шу шифохонага ётқизишганди.
Данил ўлимидан олдин дўстлари билан СМС орқали суҳбатлашаркан. Суҳбатларнинг кўпчилиги коронавирус, у қай йўсинда ажал чақириши билан боғлиқ бўлган. Тлисов дўстларига хасталик белгилари ва қандай ўтиши ҳақида оқизмай-томизмай ёзган.
Тлисовнинг ёзишича, у узоқ вақт иситмадан азобланибди. Иситмаси умуман тушмай туриб олибди.
— Динамика ёмонлашяпти, — деб ёзганди олим. — Хуллас, сизлар ўзингизни изоляция қилинг. Ҳар гал антисептик ишлатинг. Ниқобсиз кўчага чиқманг. Бу касаллик ёвуз маҳлуқдан ҳам даҳшатлироқ. Ўзингизни эҳтиётланг. Билинг, коронавирус белгилари турлича бўлади. Менда қуруқ йўтал ва иситма. Қолганларда умуман бошқача белги бериши мумкин…
Шифохонага ётқизишгач, орадан 4 кун ўтиб аҳволи баттар оғирлашди. 8 апрел куни Данил ётган ерида телефонни қўлида аранг ушлаб тура оладиган ҳолатда қолган.
— Врачлар ҳануз жим, — деб ёзганди у. — Мана, телефонни қўлимда базўр ушлаб тура оляпман. Коронавирус мени ўлимга етаклаяпти. Буни аниқ сезиб турибман…
Тлисовни шифохонанинг жонлантириш бўлимига ётқизишди. Сунъий нафас олдириш ускунасига улашди. Ёрдам бермади. Бемор, эндигина 37 ёшни қаршилаган машҳур физик-ядровий олим иситмаси тушмай, нафас қисиш, ҳолсизланиш ва шу каби ҳолатлар домида ўлим топди. Manba: 24soat.com -Saytdan olindi. Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|