Нотўғри режалаштириш, ижтимоий тармоқлар ва шубҳали рақобат вақтингизнинг беҳудага сарфланиши ҳамда меҳнатингиз самарадорлигини камайишига сабаб бўлади. Қандай хатоликлар иш самарадорлигини камайишига олиб келади?
Сиз ишларингизни режалаштирмайсиз Сизнинг олдингизда бажаришингиз керак бўлган вазифалар рўйхати турибди, бироқ уларни амалга ошириш учун пухта режа тузиб чиқиш ва уларни кун, ҳафта ва ойларга бўлиб чиқиш зарур. Акс ҳолда ишга бор кучингиз билан киришиб кетасиз-да, йўлнинг ярмига борганда, чарчаб қоласиз.
Жуда зич график тузасиз Сиз ишларингизни режалаштирган бўлишингиз мумкин, бироқ вақтни, кучларингизни тўғри тақсимламаган бўлишингиз мумкин. Ахир ўртада бошқа қўшимча зарур ишлар ҳам чиқиб қолиши мумкин, уларни ҳам инобатга олиш керак.
Ишларингизни автоматлаштирмайсиз Замонавий инсон ишининг аксарият қисмини техника бажаради. Машина бажариши мумкин бўлган ишларни ўзингиз амалга оширмоқчи бўлсангиз ва бу билан кўп вақтингизни зое кетказган бўласиз. Масалан сиз янги программа ва алгоритмларни ўрганишга анча вақт кетади, деб айтишингиз мумкин. Бироқ дастурларни ўрганишингизга кетган бир кун келажакда сизнинг қанча вақтингизни тежаши мумкинлигини ҳам ўйлаб кўринг.
Тайм-киллерларга чалғийсиз Беш дақиқа дам олиш баҳонасида ижтимой тармоқларга кирасиз, уларни кўздан кечириш ва мессенжерлардаги чатларни ўқиш билан овора бўлиб, бир соат вақтингиз кетиб қолганини сезмай қоласиз. Иш билан боғлиқ бўлмаган чатлардаги хабар келганни билдирувчи сигналларни ўчириб қўйинг, акс ҳолда улар сизни безовта қилаверади.
Сиз рад жавобини беришни билмайсиз Агар сиз кўнгилчанглик қилаверсангиз, сизга ҳар хил таклиф ва илтимослар билан мурожаат қилаверадилар – ёрдам сўрайдилар, маслаҳат беришингизни сўрайдилар, бирор нарсани ўргатишингизни ва ҳеч бўлмаганда бирга чой ичишни илтимос қилиб қоладилар. Кўнгилчанглик қилиб, рози бўлсангиз, бундан фақат бошқалар фойда кўради, сиз эса қимматли вақтингизни беҳудага сарфлаган бўласиз. Хайрихоҳлик ҳам яхши фазилат, бироқ ўзингизни ҳам ўйлашингиз керакку.
Ўзингизни бопшқалар билан солиштиришингиз Сиз бор кучингиз билан ишлаяпсиз, бироқ ҳамкасбларингиз ишларини тезроқ битириб олишаяпти. Шунда сиз ўзингизни улар билан солиштирасиз ва натижада вақтингизни ҳам, асабларингизни ҳам беҳудага сарфлайсиз. Ахир тезлик сифат белгиси эмаску. Ундан кўра ўзингизни натижаларингизни ўтган галдаги натижаларингиз билан солиштиринг, эришишингиз керак бўлган мақсад кўрсаткичларини белгилаб олинг ва комиллик сари интилиб бораверинг. Manba: 24soat.com -Saytdan olindi. Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|