Йўқ! Tиббиётга алоқаси бўлмаганлар соғлиғига бўлган эътиборни кучайтириши учун баъзи маълумотларни тақдим этмоқчиман.
Демак, энг кўп ўлим билан якунланувчи 10 та касаллик.
ЖССT энг сўнгги (аммо 4 йил олдинги) маълумотларига кўра (http: //www. who. int/news-room/fact-sheets/detail/the-top-10-causes-of-death), дунё бўйлаб 2016 йилнинг ўзидаги 56, 9 миллион ўлимнинг ярмидан кўпи (54%) 10 та асосий сабабларга кўра содир бўлган. Булар:
1. Юрак ишемик касаллиги
2. Инсульт
3. Ўпканинг сурункали обструктив касаллиги (ХОБЛ)
4. Пастки нафас йўллари респиратор инфекциялари
5. Aльцгеймер (руҳий касаллик)
6. Ўпка, трахея, бронхлар саратон касаллиги
7. Диабет
8. Йўл-транспорт ҳодисалари
9. Диарея
10. Сил касаллиги
Кардиолог-шифокорларнинг беморлари ҳар доимгидек 1-2 ўринни банд қилган. Юрак ишемик касаллиги ва инсулт 15 миллиондан ортиқ одамнинг ҳаётига зомин бўлди. 15 йил давомида ушбу касалликлар бутун дунё бўйлаб одамлар ўлимининг энг муҳим сабаблари бўлиб келмоқда.
Сурункали обструктив ўпка касаллиги (ХОБЛ) дунё бўйича 3 миллион кишининг ҳаётига зомин бўлди. Ўпка саратони (шунингдек трахея ва бронхлар саратони) 1, 7 миллион кишининг ўлимига сабаб бўлди. Рақамлар ўсган. 2016 йилда қандли диабет 1, 6 миллион одамни ўлдирган бўлса, 2000 йилда бу, 1 миллионни ташкил этган эди. Aқлий заифлик туфайли ўлимлар сони 2000 йилдан 2016 йилга қараганда икки баравар кўпайди ва бу касаллик ўлимнинг энг кўп тарқалган бешинчи сабаби бўлди.
Энг хавфли юқумли касалликлар ҳозирча пастки нафас йўлларининг инфекциялари бўлиб қолмоқда. 2016 йилда улар 3 миллиондан ортиқ одамнинг ҳаётига зомин бўлди. Диарея касалликларидан ўлим даражаси 2000 йилдан 2016 йилгача деярли 1 миллионга камайди, аммо 2016 йилда 1, 4 миллион одамнинг ўлимига олиб келди. Бу катта рақам. Худди шу даврда сил касаллигидан вафот этганлар сони хам камайди, аммо камайиш ҳолати ҳам 1, 3 миллион ҳолатда ўлимга олиб келди.
Aйтганча, энди ОИВ/ОИTС ўлимнинг энг кўп учрайдиган 10 сабаби рўйхатида йўқ. Одамлар ОИТС билан аввалги йилларга нисбатан кам касалланмоқда. 2016 йилда бу касалликлардан 1 миллион киши вафот этган бўлса, 2000 йилдагиси 1, 5 миллион кишини ташкил қилган эди.
Авариялар ҳар доимгилек бу рўйхатда бор. Йўл-транспорт ҳодисалари туфайли 2016 йилда 1, 4 миллион киши вафот этди. Уларнинг ҳар 4 тасидан 3 таси (74%) эркаклар ҳиссасига тўғри келади.
Бу маълумотлар билан нима демоқчиман?
Тан олайлик, биз ўзбеклар ўз соғлиғимизга жудаям беъэътибормиз. Касаллик оғир ҳолатга келсагина чопқиллаб қоламиз. Соғлиғига эътибор берадиганларни ҳурмат қиламан. Дўстим, Соғлиқни бор вақтида қадрига етайлик. Кези келса, миллиард доллар билан ҳам қайтариб ололмайсиз. Касалликга бефарқ қараманг. Шифокор ҳаётингизга жавобгар эмас! Ҳар кимга қанча умр берилганлиги ёлғиз ҳудога аён, аммо бу бефарқ бўлиш дегани ҳам эмас. Умр бир марта берилади, унумли фойдаланиб қолинг. Ўзингизни эҳтиёт қилинг!
Manba: 24soat.com -Saytdan olindi.
Ushbu ma'lumot http://hordiq.uz/ dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
