Болливуд актрисалари аллақачон Голливудни ҳайратга солишга улгурган. Marie Claire аёллар журнали Голливуд юлдузлари билан рақобатлаша оладиган 7 ҳинд актрисаси ҳақида маълумот берди.
Приянка Чопра
2017 йилда Приянка Чопранинг Меган Маркл билан яқин дугона эканлиги ойдинлашганидан сўнг, унинг номи турли нашрларда тез-тез тилга олинадиган бўлди. Лекин ростини айтганда, Приянка Чопранинг ўзи ҳам мақтанадиган нарсаси бор.
Айнан ўша 2017 йилда суратга олинган «Malibu қутқарувчилари» картинаси 2000 йилнинг «Дунё гўзали» ҳамда Ҳиндистоннинг энг гўзал актрисаларидан бири суратга тушган 50-фильм бўлди. Меҳнатсеварлик қобилияти билан бирга классик ҳинд гўзали дея номланадиган Приянка Айшвария Рай билан битта ўринда туради.
Болливуд актрисалари имижини яратиш учун нафақат дизайнерлик кийимлари, балки турли жамоат хизматлари (асосан хайрия ташкилотлар) ҳам ёрдам беради. Бунинг ажабланарли жойи йўқ: ҳинд юлдузларининг аксарият қисми камбағал оилалардан келиб чиққан. Масалан, Приянка CAF хайрия жамғармаси ва Ҳиндистон конфедерацияси саноати элчиси (саводсизликка қарши кураш дастурларини назорат қилади). Бундан ташқари, Приянка актриса, модель ва қўшиқчи сифатида ҳам фаолият юритади. Бундай хилма-хиллик дунёнинг кўплаб машҳурлари учун хос. Аммо Болливуд юлдузлари учун мажбурий.
Айшвария Рай
Айшвария Рай Ҳиндистонинг энг таниқли актрисаси. Бир вақтлар Приянка Чопра сингари «Дунё гўзали» дея эътироф этилган. У асли архитектура факультетида ўқиган. Ёш қиз эканлигидаёқ Vogue журнали ва Пепси билан ҳамкорлик қилишга муваффақ бўлган. Айшвария актрисаликни Болливудда эмас, балки Колливудда (Ҳиндистон жанубидаги яна бир машҳур кино шаҳарчаси) бошлаган. Ҳозирда актриса 46 ёшда, кинографиясида 45 дан ортиқ фильми бор.
Айшвария, асосан, ҳинд фильмларида ўйнайди, лекин у «Зираворлар маликаси», «Сўнгги легион» ва «Пушти пантерра-2» каби Голливуд фильмларида ҳам суратга тушган. Бундан ташқари, актриса хайрия ишларида фаол қатнашади. У PETA ҳайвонларни ҳимоя қилиш ташкилотини қўллаб-қувватлайди, Ҳиндистонда кўзи ожизларга ёрдам беради ва шунингдек, 2004 йилда у ўзининг камбағалларга ёрдам берадиган Aishwaria Rai Foundation жамғармасини ташкил қилган.
Анушка Шарма
32 ёшли Анушка Шарма Ҳиндистондаги энг таниқли ва энг кўп маош оладиган актрисалардан бири. У ҳали дунё саҳнасида ўзини кўрсата олмади, лекин Filmfare Awards (Ҳиндистонда Оскар билан таққосланадиган фильм мукофоти) мукофотини олган. Анушка ҳарбий оилада туғилган ва кўплаб ҳамкасбларидан фарқли ўлароқ, у модель бўлиб (ҳатто Америка Maxim муқовасида пайдо бўлган) ишлаган.
Актрисалик карьераси атиги 10 йил давом этди ва шу вақт ичида у ўзини турли жанрларда синаб кўрди: романтик комедиялардан психологик триллерларгача. Айшвария Рай сингари Анушка ҳам PETA ташаббусларида фаол иштирок этади. Бунинг учун ташкилот унга 2017 йилда «Йил одами» унвонини тантанали равишда топширди.
Дипика Падуконе
Дипика Падуконе 2008 йилда ўзининг биринчи Filmfare Awards («Энг яхши дебют» номинацияси) мукофотини олганидан сўнг, унинг жавонларидаги барча турдаги ҳайкалчалар экспонат равишда ўсишни бошлади.
Асли даниялик бўлган Дипика болалигида Ҳиндистонга кўчиб келган ва 20 ёшидан бошлаб у модель сифатида (Marie Claire, Vogue, Cosmopolitan, GQ ва бошқа журналлар) ишлай бошлаган. Унинг ҳинд тилидаги фильмлар рўйхати жуда катта. Аммо биз Дипикани «Уч икс: Жаҳон ҳукмронлиги» фильмида Вин Дизель билан бирга ўйнаган роли орқали биламиз.
2017 йил охирида актриса Деҳли султони Алауддин Муҳаммад Шоҳга ошиқ бўлган Кинг Ратна Синха ва унинг рафиқаси ҳақидаги афсонага асосланган «Падмавати» фильмини тақдим этиши керак эди, аммо фильм Ҳиндистонда ноаниқ тарзда қабул қилинди. Ҳиндистондаги фильм премьераси кейинга қолдирилди, аммо Дипиканинг ўзи фильмни имкон қадар тезроқ чиқарилишини талаб қилишда давом этди.
Бу Болливуд юлдузи одамларнинг руҳий тушкунлик билан курашишида ёрдам берадиган «Live Love Laugh Foundation» хайрия жамғармасига эга.
Фрида Пинто
Болливуд актрисаларининг энг «голливудлиги» бўлган Фрида Пинто ҳамкасблари сингари 50 та фильм рўйхати билан мақтана олмайди. Аммо унинг кичик ижодида дунёга машҳур «Харобадан чиққан миллионер» («Slumdog Millionaire»)(актрисанинг илк дебюти), «Маймунлар сайёрасининг тикланиши», «Илоҳлар уруши: боқийлик» каби картиналари мавжуд. У 2018 йилда «Маугли» лойиҳасида қатнашган. Фрида инглиз тилини яхши билади ва инглиз адабиёти бўйича санъат бакалаврига эга.
Кангана Ранаут
Кангана Ранаут Болливуддаги карьерасига машаққат билан, босқичма-босқич эришди. Ночор шаҳарчада туғилиб ўсган қиз 16 ёшида Деҳлини забт этиш учун, ишни моделлик карьерасидан бошлаган. Подиум унга унчалик маъқул бўлмади, ижод учун унга кенг жой керак эди. У актриса бўлишга қатъий қарор қилади, аммо диксиясидаги муаммолар туфайли у узоқ вақт режиссёрларнинг эътиборини жалб қила олмади. Бироқ тез орада Кангана ушбу муаммони бартараф этди.
Ҳозирда Кангана Ранаут Ҳиндистондаги энг кўп маош оладиган актрисалардан бири ҳисобланади. Актриса нутқида муаммолар бўлган одамларга ёрдам бериш хайрия жамғармаси ташкил этишни режалаштирмоқда.
Сонам Капур
35 ёшли Сонам Ҳиндистондаги таниқли актёрлар Капур сулоласининг аъзоси. Айтиш керакки, унинг оиласида ҳамма юлдуз, лекин Сонам нафақат ўзининг истеъдоди, балки яхши кийиниш қобилияти билан бутун дунёни ўзига жалб қилди.
АҚШда Сонамни шунчалик яхши кўришадики, ҳатто хонанда Беёнсе уни Hymn for the Weekend клипига суратга тушишга таклиф қилган.
Manba: 24soat.com -Saytdan olindi.
Ushbu ma'lumot hordiq.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
