Маълумки, ноябрь ойининг охирларида республикамиз вилоятларида метан қуйиш шахобчаларида навбатга турган машиналар километрларга чўзилиб кетди. Бу ҳолат оддий фуқаролар томонидан ҳаво совиши билан магистрал қувурларда газ босимининг тушиб кетиши билан боғласа, айримлар табиий газ аҳоли хонадонларига берилиши сабаб тунда "метензапрафкалари” нинг ишлашига рухсат берилмаётганлиги билан изоҳлашмоқда. Ҳақиқатдан ҳам водий вилоятларида метан қуйиш шахобчаларининг тонги 7:00 дан тунги 18:00 гача ишлашига рухсат берилган дейилмоқда. Ижтимоий тармоқларда билдирилаётган фикрларнинг аксарияти бугунги кундаги шу ҳолатлардан норозиликлар билан боғлиқ.
Ачинарли ҳолат шундаки, метан қуйиш шахобчаларида кузатилаётган бу ҳолат бевосита бошқа соҳаларга ҳам ўз таъсирини ўтказмоқда.
– Машинамга бир ҳафтадан буён "қўл”дан литрини 10 минг сўмдан бензин қуйяпман,- дейди Бағдод шаҳарчасида истиқомат қилувчи Иномжон Усмонов. – Тасаввур қиляпсизми 10 минг сўм-а?! 7 соатлаб келадиган метандаги навбатларга эса вақт йўқ, тирикчилик қолиб кетади. Бир дўстимнинг маслаҳати билан кечадан буён Тошкентга қатновчи таксичиларга бензин "заказ” қиляпмиз. Иложимиз қанча, қиммат бўлса ҳам шахобчаларда бензин бўлса қуямиз. Лекин қани ўша бензин? Фикримча, яқинда пойтахтда ҳам метан шахобчалари у ёғида турсин мен каби илтимос қилганларнинг ҳисобига бензин қуйиш шахобчаларида ҳам турна қатор "очеред”лар юзага келади. Биласизми, бу ҳолатлар нимани билдиради? Минг марта ОАВ,интернет нашрларида бонг урганимиз билан, ҳар йили шу ҳолат такрорланаверса ҳам, айни ҳақиқат шу – биз куз-қиш мавсумига тайёр эмасмиз. Бу аччиқ ҳақиқат!
Эрта тонгдан ишга отланаркансиз Фарғонанинг туман ва шаҳарлари йўл четларида ўз манзилларига вақтида етиб бора олмаётган минглаб фуқароларни, талабалар, ўқувчилар, оддий ишчиларни кўрасиз. Таксилар, автобуслар, микро автобуслар аллақачон йўл кира ҳақларини тенг баробарига ошириб олган.
–Риштон-Бағдод туманига дамаслар 1500 сўм эди. Ҳар куни ўқишга қатнайман, –дейди Нилуфар Қозоқова. – Бир ҳафта бўлди. Йўл ҳақлари 3000 минг сўмга "чиқиб олди”. Ҳар доимгидек, метандаги очередлар, бензин, свет,газнинг йўқлиги касофати оддий халқ бўйнига тушади. Риштон-Фарғона шаҳар йўналишлари таксилари ҳам бирданига 10 минг сўмдан 20 минг сўмга чиқиб олди. Уларнинг ҳам иложи қанча, "қўл”дан бензин қуйишяпти. Метан қуйиш шахобчаларида эса уларнинг умри ўтиб кетиши тайин. Одамлар ҳам борига шукр қилиб, такси камлиги учун дарров ўтириб олишади. Айрим машинаси бор қишлоқдошларимиз аллақачон уловларини гаражга олиб кириб қўйган.
–Фарғона шаҳрининг Қиргули мавзесига кетаверишдаги ёқилғи қуйиш шахобчаси бир ойдан бери тумонат одамлар билан гавжум. Навбатингиз бир ярим икки соатда келади, –дейди Фарғона шаҳри Бешбола маҳалла фуқаролари йиғинида истиқомат қилувчи Алиқул ота Сафоев. -Ўғлимнинг машинасини миниб чиқдим. Ўзи таксида ишга кетди. Мен уларга ёрдам бўлсин, деб бензинга навбатга турибман. Метан қуйиш навбатига эса ярамайман. Нима қилардик… Доимгидек сабр қиламизда. Бу кунлар ҳам ўтиб кетар?!
Ёқилғи қуйиш шахобчаларидаги навбатда турган аҳоли бензин "запрафка”ларида терминалларнинг ишламаётгани ва фақат нақд пулга хизмат кўрсатилаётганлигини айтишмоқда. Бу эса банк кираверишларидаги банкоматларда ҳам узундан узун навбатларнинг юзага келишига сабаб бўлмоқда.
Бу каби ҳолатларнинг якуни бормикан? Бешболалик Алиқул отанинг айтганидек, нима қилардик… Доимгидек сабр қиламизда. Бу кунлар ҳам ўтиб кетар?
Manba: 24soat.com -Saytdan olindi.
Ushbu ma'lumot hordiq.uz dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
