Ozodbek Nazarbekov Kar24 nashri bilan eksklyuziv intervyuda muxlislarini qiziqtirgan ko'plab savollarga javob berdi. ;СГЕ; – Oldingi Ozodbek Nazarbekov bilan hozirgi Ozodbek Nazarbekov o'rtasidagi farq qanchalik deb o'ylaysiz?
– Judayam katta. Tashkilotchilik bilan ijrochilik o'rtasida katta farq bor. Hozir ko'proq tashkiliy masalalar, masalan madaniyat sohasidagi tadbirlarni, katta-katta ishlarni olib borayapman.
– Siz 100 foiz jonli ayta olasiz. Yana sizdan keyingi shogirdlaringizdan kimlar 100 foiz jonli konsert berishga erishadi, deb o'ylaysiz?
– Jonli ijro qilish bu amaliyot, ya'ni mashg'ulot orqali vujudga keladi. Demak, kim bugun mashg'ulot qilayotgan bo'lsa, jonli ijro bilan shug'ullanayotgan bo'lsa bemalol 100 foiz jonli ijro qila oladi. Lekin kim agar mashq qilmayotgan bo'lsa u odam shug'ullanishiga to'g'ri keladi. Shogirdlarim ichida ham bugun bemalol ayta oladiganim, hammasi ham ayta oladi. Sportchilar shug'ullanmay qo'yishsa nima bo'ladi? Bu ham xuddi shunday, mashg'ulot talab qiladi. Doimiy shug'ullanib turish har qanaqa ijrochini ham jonli ijro qilish imkonini paydo qiladi. Lekin san'atkorlarimizni jonli ijro qilolmaydi deyish noo'rin. Ular formaga tushib olishi kerak. Agar mashg'ulot qilinadigan bo'lsa hamma san'atkorlar jonli ijro qila olishadi. Tajriba, tajriba va yana tajriba. Uning natijasida hamma jonli ijro qilishi mumkin. Mashg'ulot bilan belgilangan muddatda shug'ullanib turish lozim.
– Agar san'atkorlar to'yga chaqirilmasa siz san'atdan voz kecharmidingiz?
– Bu savolingizga boshqacharoq javob beraman. Men to'ylarni tark etganman.
– Lekin Sizni ijtimoiy tarmoqlardagi sahifalaringizda onda-sonda mehmonga borganingizni ko'rib qolamiz…
– Mehmonga borishim mumkin. Lekin oldingiday tirikchilik manbayida qaramayman. Do'stlarim, qadrdonlarim bo'lsa, o'zim sog'ingan paytlarimda har zamonda bo'lib turibdi. San'atkorlarni to'y bilan bog'lanib faqat to'y borligi uchungina san'atga qo'l urishi yoki shug'ullanishi 100 foiz noto'g'ri. To'g'ri, men Sizni tushunyapman. Oxirgi paytlarda shu maqsaddagina san'atga kirib kelayotganlar judayam ko'p. Lekin, men ishontirib ayta olamanki bizni yoshligimizda, san'atga mehr qo'ygan paytimizda hayolimizni ko'chasiga ham kelmagan to'ylarga borib ko'p pul topaman degan, maqsad bilan kirilmagan. Ya'ni, bu kasbni men tanlamaganman, kasb meni tanlagan.
– Kasbingizdagi baxt bilan hayotdagi baxtning farqi nimada?
– Kasbda mutloq baxtli bo'lish imkoni bor. Lekin hayotda mutloq baxtli bo'lish imkoni yo'q. Hayotda baribir "Eng baxtli odamman" degan insonni qalbiga qo'l solsangiz yuragini har chetidan tishlab turgan armonlari bor. Demak u inson mutlaqo baxtli emas. Insonni baxtli kunlari ko'p aslida. Eng tushkunlikda yashagan inson ham agar hisob-kitob qilsa, baxtli kunlari baxtsiz kunlaridan ko'proq. Unga vijdonan baho berish kerak. Ana shuni anglamaslik – baxtsizlik.
– Ko'pchilik shogirdlaringiz sizni ustozim deb tan olishgan. Siz kimlarni ustozingiz deb bilasiz?
– Men o'zimdan katta hamma san'atkorlarni ustozim deb bilaman.
– Sizga munosib shogirdlaringizchi?
– Shogirdlarim ko'p. Shogirdlarga kelganda ko'proq yaxshirog'i qaysi deganda, yaxshi qo'shiq aytadigani emas, sadoqatlisi degan bo'lardim.
– Bizga ajratgan vaqtingiz uchun Sizga o'z minnatdorchiligimizni bildiramiz. Ishlaringizda rivoj. Xalqning mehridan hech qachon uzoqlashmang va sizni yana Nukusda kutib qolamiz!
– Salomat bo'ling!
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
