Экран қаршисига миллионлаб мухлисларни муҳрлаган турк актёрларининг маошлари қанчалигини биласизми? Бугун Туркиядаги энг кўп маош оладиган актёрлар ҳақида маълумот берамиз.
Демак, эътиборингизга Туркиянинг энг талабгир актёр ва актрисалари ТОП-10лигини ҳавола этамиз:
ЧАҒАТАЙ УЛУСОЙ – 500 000 TL (HAKAN MUHAFIZ)
Бу соҳада узоқ вақт рекордни ушлаб турган Кенан Имирзалиўғлуни ортда қолдириб, ёш турк актёри Чағатай Улусой биринчи ўринга чиқиб олди. У Hakan Muhafız сериалининг ҳар бир қисми учун 500 000 турк лираси миқдорида маош олади.
КЕНАН ИМИРЗАЛИЎҒЛУ– 350 000 TL (FATIH BIR CIHAN SULTANI)
Ҳозирда иккинчи поғпонани ушлаб турган Кенан Имирзалиўғлу Fatih Bir Cihan Sultanı сериалининг ҳар бир қисми учун 350 000 турк лираси олган.
БУРАК ЎЗЧИВИТ – 325 000 TL (KURULUŞ OSMAN)
Diriliş Ertuğrul сериали ниҳоясига етгач бошланган Kuruluş Osman сериалининг ҳар бир қисмидан 325 000 лира, ойига 1 миллион 300 минг лира маош олади.
ЭНГИН АЛТАН ДУЗЯТАН – 250 00 TL (DIRILIŞ ERTUĞRUL)
Миллионлаб мухлисларни қозонган Diriliş Ertuğrul сериалининг бош роль ижрочиси Энгин Алтан Дузятан эса бир серия учун 250 000 лира маош олган.
БЕРЕН СААТ – 200 000 TL (ATIYE)
Актрисалар орасида энг кўп маош оладиган Берен Саат бўлиб, Netflix’да экран юзини кўрган Atiye сериалининг ҳар бир бўлими учун 200 000 лира қўлга киритган.
ЭНГИН АКЮРЕК – 200 000 TL (SEFIRIN KIZI)
Энгин Акюрек Sefirin kızı сериалининг бир қисми учун 200 000 турк лираси миқдорида маош олиши маълум бўлди.
КИВАНЧ ТАТЛИТУҒ – 150 000 TL
Охирги марта Çarpışma сериалидан бош ролни ижро этган актёр Киванч Татлитуғ сериалнинг ҳар бир қисми учун 150 000 лира маош олган.
НЕСЛИХАН АТАГУЛ – 145 000 TL
Энгин Акюрек билан биргаликда Sefirin kızı сериалида бош ролни ижро этаётган Неслихан ҳамкасбига қараганда бироз камроқ маош олиши маълум бўлди. Унинг бир серия учун оладиган маоши 145 000 турк лираси.
ХАЗАЛ КАЯ – 90 000 TL (BIZIM HIKAYE)
Туркиянинг машҳур актрисаларидан бири ҳисобланадиган Хазал Кая Bizim Hikaye сериалида ҳар бир қисм учун 90 000 лира маош қозонган.
АРАС БУЛУТ ИЙНЕМЛИ – 70 000 TL (ÇUKUR)
Дунёда, жумладан Ўзбекистонда ҳам машҳур бўлган Çukur сериалнинг бош қаҳрамони Арас Булут Ийнемли бугунги рўйхатимизга якун ясайди. У мазкур сериалнинг ҳар бир бўлимим учун 70 000 лира маош қозонган.
