Dunyoda buyuk va boy klublaridan biri hisoblangan kataloniyaliklar maydonda bo'lgani kabi futbolchilarining narxlari bo'yicha bemalol maqtana oladi.
Aslida, Ispaniya grandlari o'z futbolchilariga tovon pullarini yuqori belgilab qo'yishiga Neymarning PSJga o'tib ketishi sabab bo'lgan (Neymar transferi haqida ortiqcha to'xtalib o'tmaymiz).
Keling, gapni ko'p aylantirmaylikda, hozir «Barselona» futbolchilarining tovon pullari haqida ma'lumot berib o'tamiz, deya xabar beradi CA nashri.
22. Rafinya
Pozitsiya: Yarim himoyachi
Shartnoma tuzgan: 02/11/2015
Qachongacha: 30/06/2020
Tovon puli: € 60 mln. yevro Klub akademiyasidan chiqqan va umidli yarim himoyachi deya e'tirof etilgan braziliyalik futbolchini jarohatlar «qiynab qo'ydi». Endi u «Kamp Nou»ni tark etish arafasida turibdi.
21. Karles Alenya
Pozitsiya: Yarim himoyachi
Shartnoma tuzgan: 06/09/2017
Qachongacha: 30/06/2022
Tovon puli: € 75 mln. yevro Boshqa bir La Masiya tarbiyalanuvchi Alena o'tgan mavsum «Barselona» aafida 35 o'yin o'tkazdi. 75 mln.evrolik tovon puli uzoq vaqt turmaydi va 21 yoshli futbolchining narxi yanada oshishiga shubha yo'q.
20. Nelson Semedu
Pozitsiya: Himoyachi
Shartnoma tuzgan: 14/07/2017
Qachongacha: 30/06/2022
Tovon puli: € 100 mln. yevro 2018/2019 yilgi mavsumda kataloniyaliklarning o'ng qanot himoyachisi sifatida muntazam o'ynagan Semedu jami 46 ta bahsda maydonga tushdi (34 o'yin asosiy tarkibda).
19. Ivan Rakitich
Pozitsiya: Yarim himoyachi
Shartnoma tuzgan: 09/03/2017
Qachongacha: 30/06/2021
Tovon puli: € 125 mln. yevro 2014 yili «Sevilya» klubidan o'tgan xorvatiyalik xavbek ikki yil avval «Barselona» bilan shartnomasini uzaytirdi va natijada uning tovon puli 125 mln. yevro etib belgilandi. U shu paytga qadar klub bilan 4 marta LaLiga va Ispaniya kubogida g'olib bo'ldi va 1 marta YeChLda ham g'alaba qozondi.
18. Jan-Kler Todibo
Pozitsiya: Himoyachi
Shartnoma tuzgan: 31/01/2019
Qachongacha: 30/06/2023
Tovon puli: € 150 mln. yevro «Barsa»ning kelajaklaridan biri, 19 yoshli orqa chiziq vakili «Tuluza» klubidan o'tgandi. Fransiyalik himoyachi kataloniyaliklar safida 2 ta o'yin o'tkazishga ulgurdi.
17. Malkom
Pozitsiya: Hujumchi
Shartnoma tuzgan: 24/07/2018
Qachongacha: 30/06/2023
Tovon puli: € 180 mln. yevro Braziliyalik iqtidor egasi o'tgan mavsum avvalida «Roma»dan kelib qo'shilgan. Ba'zi nashrlarda uning tovon puli 400 mln. yevrogacha olib chiqilgan bo'lsa-da, «Barselona»ning sobiq vitsa-prezidenti Jordi Mestre Malkomni 180 mln. yevroga»loyik ko'rdi».
16. Mark-Andre ter Shtegen
Pozitsiya: Darvozabon
Shartnoma tuzgan: 29/05/2017
Qachongacha: 30/06/2022
Tovon puli: € 180 mln. yevro «Barselona»ning birinchi raqamli darvozaboniga aylangan germaniyalik posbon juda katta mahoratga ega.
15. Netu
Pozitsiya: Darvozabon
Shartnoma tuzgan: 27/06/2019
Qachongacha: 30/06/2023
Tovon puli: € 200 mln. yevro Garchi Netu Ter Shtegenga qadar «Barsa» bilan shartnoma imzolagan bo'lsa ham, uning yangi kelishuvi tovon puli germaniyalik posbondan yuqori bo'lishiga sabab bo'lmoqda.
14. Luis Suares
Pozitsiya: Hujumchi
Shartnoma tuzgan: 16/12/2016
Qachongacha: 30/06/2021
Tovon puli: € 200 mln. yevro «Liverpul»dagi yuqori darajadagi o'yini orqali 2014 yili «Barselona» bilan shartnoma imzolagan Suares dunyoning eng yaxshi markaziy futbolchisi sifatida o'sib bordi va 2016 yili klub bila yangi shartnoma imzoladi. Urugvaylik 32 yoshli forvard «ko'k-anorranglilar» libosida 247 o'yinda 177 ta gool urgan.
13. Arturo Vidal
Pozitsiya: Yarim himoyachi
Shartnoma tuzgan: 06/08/2018
Qachongacha: 30/06/2021
Tovon puli: € 300 mln. yevro O'tgan yili maydon markazidagi bo'shliqni to'ldirish maqsadida Arturo Vidal Germaniya chempioni «Bavariya» klubidan olib kelingandi. 32 yoshli chililik yarim himoyachi 3 yillik shartnoma tuzdi va uning tovon puli 300 mln. yevroga baholandi.
12. Klemen Langle
Pozitsiya: Himoyachi
Shartnoma tuzgan: 12/07/2018
Qachongacha: 30/06/2023
Tovon puli: € 300 mln. yevro Langle ilk mavsumida 45 ta o'yin o'tkazdi va Jerar Pike bilan yangi mavsumda himoya markazida tandem hosil qilishi mumkin.
11. Frenki de Yong
Pozitsiya: Yarim himoyachi
Shartnoma tuzgan: 01/07/2019
Qachongacha: 30/06/2024
Tovon puli: € 400 mln. yevro «Barselona» jahonning eng yaxshi yosh yarim himoyachilaridan biri Frenki de Yongni osonlikcha yo'qotmasligi aniq. Gollandiyalikning tovon puli 400 mln. yevro.
10. Artur
Pozitsiya: Yarim himoyachi
Shartnoma tuzgan: 09/07/2018
Qachongacha: 30/06/2024
Tovon puli: € 400 mln. yevro Birinchi mavsumda ajoyib o'yinlari orqali yaxshi taassurot qoldirgan Artur «Barselona»ning kelajagi sifatida qaralmoqda.
9. Filippe Koutino
Pozitsiya: Hujumchi
Shartnoma tuzgan: 06/01/2018
Qachongacha: 30/06/2023
Tovon puli: € 400 mln. yevro Braziliyalik yana bir to'p afsungari 2018 yil yanvarda katta muzokaralardan so'ng Kataloniya klubiga kelgandi. Ammo, ortda qolgan 18 oy mobaynida o'zidan kutilgan o'yinni namoyish eta olmadi. Shunday bo'lsa ham Koutino 400 mln. yevroga baholangan.
8. Usmon Dembele
Pozitsiya: Hujumchi
Shartnoma tuzgan: 28/08/2017
Qachongacha: 30/06/2022
Tovon puli: € 400 mln. yevro «Borussiya D»ning sobiq hujumchisi 2017 yilda yangi klubi bilan 5 yillik shartnoma imzolagandi. Dastlabki ikki mavsumida jarohatlar va murabbiyning to'g'ri foydalana olmagani sababli Usmon o'sishda biroz to'xtab qolganini kuzatish mumkin. Shunga qaramay, fransiyalik yigitdan umidlar hali ham katta.
7. Jordi Alba
Pozitsiya: Himoyachi
Shartnoma tuzgan: 28/02/2019
Qachongacha: 30/06/2024
Tovon puli: € 500 mln. yevro 2012 yildan beri kataloniyaliklar safida harakat qilib kelayotgan Alba hozirgi kunda klubning birinchi raqamli chap qanot himoyachisi sanaladi. Bunga isbot sifatida 30 yoshini qar olishga bir oy qolganda «Barselona» bilan shartnomasini 5 yilga uzaytirganini keltirish mumkin. 500 mln. yevro tovon puli belgilangan ispaniyalik lateral Bartomeu jamoasida 300 ta o'yin o'tkazishga muvaffaq bo'ldi (15 ta gol).
6. Serxio Buskets
Pozitsiya: Yarim himoyachi
Shartnoma tuzgan: 27/09/2018
Qachongacha: 30/06/2023
Tovon puli: € 500 mln. yevro Dunyoning eng yaxshi markaziy yarim himoyachisi bo'lishga asosiy nomzodlar qatoriga kiritiladigan Buskets «Barselona» akademiyasidan chiqqan va klubning asosiy qismiga aylangan. Jamoa u bilan 2018 yili 5 yillik yangi shartnoma taklif qilganidan ertaga 31 yoshga to'ladigan Serxio kataloniyaliklar uchun qanchalik qadrli futbolchiligini tushunib olish qiyin emas.
5. Samuel Yumtiti
Pozitsiya: Himoyachi
Shartnoma tuzgan: 04/06/2018
Qachongacha: 30/06/2023
Tovon puli: € 500 mln. yevro 2016 yilda «Lion»dan o'tgan Yumtiti 3 yilda asosiy himoyachi sifatida «Barselona» o'yinlarida maydonga tushdi. Hozir unga 500 mln. yevro bera oladigan klub topilarmikin?
4. Serji Roberto
Pozitsiya: Yarim himoyachi
Shartnoma tuzgan: 19/01/2018
Qachongacha: 30/06/2022
Tovon puli: € 500 mln. yevro «Barselona» PSJni 6:1 hisobida yutganini eslaysizmi? O'sha kechada Roberto so'nggi golni urib qahramonga aylangandi. Uning hozirgi tovon puli 500 mln. yevroga chiqishida yuqoridagi muvaffaqayatning o'rni bo'lakcha.
3. Jerar Pike
Pozitsiya: Himoyachi
Shartnoma tuzgan: 30/01/2018
Qachongacha: 30/06/2022
Tovon puli: € 500 mln. yevro Bir necha yillardan beri «Barselona»ning asosiy ustunlaridan biri bo'lib kelayotgan Pikening xizmatlari ham Kataloniya klubi uchun qadrli. Ispaniya terma jamoasida faoliyatini yakunlagan 32 yoshli himoyachi hali ham «Barsa» uchun kerakli futbolchi sanaladi.
2. Lionel Messi
Pozitsiya: Hujumchi
Shartnoma tuzgan: 25/11/2017
Qachongacha: 30/06/2021
Tovon puli: € 700 mln. yevro Futbol tarixidagi «echki»lardan biri (GOAT – Greatest of all time – eng buyuk futbolchi) ko'plab yangilab bo'lmaydigan rekordlar o'rnatgan. U haqda izoh (#NoComment) berib o'tirish shart emasligining o'zi unga berilgan eng yaxshi ta'rif bo'lsa ajab emas.
1. Antuan Grizmann
Pozitsiya: Hujumchi
Shartnoma tuzgan: 12/07/2019
Qachongacha: 30/06/2024
Tovon puli: € 800 mln. yevro Messining «Barselona»dagi obro'siga qaramay kuni kecha tanishtirilgan Antuan Grizmanning narxi argentinalik yulduzdan baland. Bunga sabab sifatida fransiyalik hujumchi Leodan 4 yoshga kichikligini keltirish mumkin.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
