2015 йил 16 май куни Атлантик океаннинг Куба соҳилларига ғалати бир кема яқинлашиб кела бошлади. Соҳилбўйи қўриқчилар бўлинмаси оёққа турди. Катерларда кемага яқин боришди. Кемада сукунат ҳукмрон эди. Ҳарбийлар кемага чиқиб ичкариларни кўздан кечиришди. Ичкарида кема экипажи ҳам, бошқа одамлар ҳам йўқ эди. Фақат кундалик дафтар топишди. Шу дафтарга кема номи ёзилганди. У «SS Cotopaxi» деган номга эга бўлиб, бундан 93 йил олдин, яъни, 1926 йил 26 ноябрда Американинг Чарльстон портидан Гаванага йўл олган. Кемага кўмир тўлдирилган эди. Бироқ орадан икки кун ўтгач, соҳилдагилар кемадан ҳалокат сигналини қабул қилиб олишди. Зудлик билан қутқарувчилар кемалари йўлга чиқди. Бахтга қарши, «SS Cotopaxi» ни топа олишмади. У гўё изсиз ғойиб бўлганди. Топа олишмагач, кемани Бермуд учбурчагининг навбатдаги қурбонига йўйиб қўя қолишди. Қарангки, ўшандан бери бир марта бўлсин кўриниш бермаган кема 93 йилдан сўнг соҳилга яқинлашиб келибди. Хўш, унда экипаж қани? Улар қурбон бўлишганми? Қандай қилиб?.. Қўриқчиларни, кейинроқ мутахассисларни ҳайрон қолдирган нарса шу эдики, кеманинг бирор ери тирналмаган. Ҳалокатга учраган кема, айниқса шунча йилдан кейин ачинарли ҳолатда бўлиши лозим эди.
Шундай кунларнинг бирида бир гуруҳ балиқчилар ўз кемаларида соҳилга яқинлашиб кела бошлашди. Балиқчилар тахминан ўн беш киши эди. Ҳали етиб келмай туриб, дафъатан рулни ортга буришди. Соҳилбўйи қўриқчилари бундай лаҳзаларда жуда сергак туришади. Бир ҳатлаб балиқчиларнинг кемасига етиб олишди ва балиқчиларни қўлга олишди. Кейинроқ маълум бўлишича, балиқчилар «SS Cotopaxi»ни узоқдан кўргач, қўрққанларидан ортга қайтишган экан.
— Бу арвоҳ кема, — деди балиқчилардан бири. — Биз кўп кўрганмиз. Ҳов анави ёқда пайдо бўларди. Олдин кучли тўлқин турарди. Кейин эса кема пайдо бўларди. Сўнгра тўлқинларнинг ўрталиғида чайқалганча туриб қоларди. Қанақадир қорамтир байроқ тутган барваста эркаклар тўлқинлар орасидан туриб нуқул бизга нималардир деб бақирарди. Биз энди улар томон юра бошласак, тўлқинлар баттарроқ қутура бошларди. Бир неча марта орамиз ниҳоятда узоқ бўлишига қарамай, кемамизни ағдариб ташлаган. Эҳтиёт бўлинглар, кема хосиятсиз. Ичида жинлари бор. Ўша қора байроқ силкитганлар жин! Ҳа, жин!..
Қутқарувчилар балиқчиларга ишонгилари келмаса-да, уларни қўйиб юборишди. Шу заҳоти ортга қайтишди. Соҳилга етгач, не кўз билан кўришсинки, «SS Cotopaxi» ғойиб бўлганди…
Анча маҳалгача ҳеч нарсага тушуна олмай, катерларни зир югуртирганча кемани излашди. Барибир топа олишмади. Орадан бир ҳафта ўтиб ўша кунги балиқчилар кемаси яна соҳилга яқинлашиб келди. Улар етти кишигина эдилар. Қўриқчилар қолганлар билан қизиқишди.
— Шу куни қош қорая бошлаганда, — деди балиқчилардан бири. — Овимиз энди қизиганди. Ўша арвоҳ кема пайдо бўлди. Қора байроқлилар тағин бизни чақира бошлади. Лекин кемамизни бир қадам ҳам олдинга юрғаза олмадик. Бир маҳал худо билади қайдан пайдо бўлди. Шерикларимизга учига олов ёқилган камон ўқлари келиб тега бошлади. Улгурган беркинди, улгурмаган… Ярамаслар саккиз нафар шеригимизнинг бошига етди. Биз ўша кемани ҳануз қидиряпмиз. Йўқ. Топа олмадик. Арвоҳ кема унинг сирини сизларга ошкор қилганимиз учун биздан ўч олди.
Мана, шу воқеага ҳам бир йилдан ошди. Қўриқчилардан ғаройиб воқеаларни эшитган мутахассислар тез-тез соҳилга келиб «SS Cotopaxi»ни кутишади. Аммо ҳали уларнинг ҳеч бири кемани учратиш, ҳеч қурса узоқдан бўлса-да, кўриш имконига эга чиқишмади.
Астағфирилло!!!
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
|
