Тарихдан маълумки, катта шаҳарларда маньяк ёки серияли қотиллар, рецидевистлар пайдо бўлса, мутасаддилар комендант соати эълон қилади. Шу йўл билан жиноятчиларнинг дастидан аҳоли вакиллари зиён кўришига барҳам берилади. Аммо Колумбияда на маньяк, на серияли қотил, на рецидевист бор. Ла Либертад вилоятига қарашли Пахарито шаҳрида эса болалар учун комендант соати эълон қилинди. Ҳа, айнан болалар учун! Энди 1719 нафар одам яшайдиган бу шаҳарда 18 ёшга етмаганлар кечқурун соат 19: 00 дан эрталабки 5: 00 гача катталар кузатувисиз кўчага чиқмайди. Хўш, бунга нима сабаб бўлди?
Айтишларича, шаҳарда ниҳоятда бўйдор, ўта сирли ва қўрқинчли, бир қарашда одам соясини эслатувчи шарпасифат мавжудот пайдо бўлибди. У кечаси болалар ёлғиз-ярим кўчада юрган маҳал йўлига кўндаланг бўлаётганмиш.
— Мен ярим тунда ишдан қайтаётгандим, — дейди гувоҳлардан бири. — Нимадир бўлди-ю, таққа тўхтаб орқага ўгирилдим. Не кўз билан кўрайки, мендан тахминан ўттиз қадамча нарида жудаям новча, қорамтирроқ, соясифат-у, лекин худди одамни эслатувчи нарса қимирламай турибди. Қўрқув устун келдими, қадамимни тезлатдим. Анча юриб бориб яна ортимга ўгирилдим. Бу гал одамсифат соя менга янада яқинроқ масофада турарди. Қимирламасди. Ҳеч қандай овоз ҳам чиқармасди…
— Мен эрталаб мактабга кетаётганимда, — дейди маҳаллий мактаб муаллималаридан бири. — Ташқарида қуюқ туман тушганди. Бир маҳал шу туман орасида учта жуда бўйдор ва даҳшатли фигураларни кўриб қолдим. Улар қадам ташламаган ҳолда ердан бир метрча баландликда уёқдан буёққа қараб ҳаракатланишарди. Шу қадар қўрқиб кетдимки, мактабни ҳам унутиб уйимга ура сола қочдим…
Бир гуруҳ қулоқсиз ўсмирлар ҳам чала битган бино ҳовлисига киришганда, бурчакда улкан қора шарпа ўтирганига гувоҳ бўлишган. Улар қўлига ғишт олиб шарпа томон ирғитишган. Шарпа шу заҳоти юқорига кўтарилиб, худди одам шаклига кирган ва ўсмирлар томон юра бошлаган. Қўрқиб кетган ўсмирлар уй-уйларига қараб қочишган.
Ана шу воқеалардан кейин шаҳар мэри полиция маҳкамаси билан маслаҳатлашиб, шаҳарда болалар учун комендант соати эълон қилишни маъқул кўрди. Бу сирли мавжудотга қарши шаҳардаги руҳонийлар шуғулланадиган бўлишибди.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
