Озарбайжон Республикаси Кавказортининг жануби-шарқий қисмидан ўрин олган ҳудуд бўлиб, мамлакатни одатда «Кавказ марвариди», «Аланга ўлкаси» деб ҳам атайдилар. Бу ердаги шарқона колорит шиддатли ривожланиш жараёнининг сояси остида қолиб кетмаган. Озарбайжон – ўзига хос табиат, такрорланмас маданият, кўп асрлик тарих, ажойиб анъана ва одатлар, бетакрор таомлар, мехмондўстлик ва самимийлик сифатларига эга бўлган бетакрор диёр.
Мамлакат Каспий денгизининг қирғоғида жойлашган. Республика аҳолиси 9,8 миллион кишини ташкил қилади. Боку – мамлакатнинг пойтахти бўлибгина қолмай, унинг энг йирик шаҳри ҳамдир. Одамлар орасида рус тили кенг тарқалган, ёшларнинг аксарият қисми инглиз тилида ҳам осонликча мулоқот қила олади. Озарбайжон Республикаси Эрон, Туркия, Россия, Грузия ҳамда Арманистон билан чегарадош. Шарқий томондан эса уни Каспий денгизи ўраб туради.
Қадимда Буюк Ипак Йўлининг муҳим нуқталаридан бири бўлган мамлакат кўплаб миллатлар ва цивилизацияларни ўз бағрида сақлаган бетакрор ҳудуд эди. У ҳамиша ўлка одамлари, олимлар, шоирлар, саёҳатчилар, тарихчилар, бир сўз билан айтганда даҳолари ила донг таратиб келган. Ушбу ҳудуд ҳақидаги қадимги қайдларни Геродот, Страбон, Клавдий Птоломей асарларида учратиш мумкин.
Ўлкада 7500 дан ортиқ табиий, археологик ва тарихий ёдгорликлар мавжуд. Кўпчиликка маълуму машҳур бўлган «Қиз минораси» ҳам айнан Озарбайжон ҳудудида жойлашган.
Ўлканинг «Аланга юрти» дея ном олишига сабаб қадимда бу ерда ибтидоий оташпарастлар истиқомат қилгани билан боғлиқ.
Flame Towers
Бу замонавий архитектура комплекси бўлиб, уни янги ва ривожланаётган Озарбайжоннинг тимсоли сифатида яхши билишади. Иншоот ўзида олов кўринишидаги улкан шишали биноларни акс эттирган. Тун пайтида бино юзасида турли чироқлар нури жилолана бошлайди ва биноларни олов кўринишига келтиради. Ушбу бинонинг рангдор нурларини Бокунинг исталган бурчагидан туриб кузатиш мумкин.
Қиз минораси
«Ичери Шехер» қаъласи таркибидан ўрин олган қадимги ва сирли бино Боку шаҳрининг тимсолларидан бири саналади. Иншоот, шу билан бирга Озарбайжон архитектурасининг ўзига хос тимсоли ҳамдир. Айтишларича, бир замонлар бу ер зардуштийлар ибодатхонаси бўлган экан.
Қиз минораси
«Ичери Шехер» қаъласи таркибидан ўрин олган қадимги ва сирли бино Боку шаҳрининг тимсолларидан бири саналади. Иншоот, шу билан бирга Озарбайжон архитектурасининг ўзига хос тимсоли ҳамдир. Айтишларича, бир замонлар бу ер зардуштийлар ибодатхонаси бўлган экан.
«Ичери шехер» ҳудуди
«Ичери шехер» Бокунинг энг қадимий тураржой квартали саналади. Ҳудуд бугунга қадар яхши ҳолатда сақланган тарихий деворлар билан қуршалган. Маълумотларга кўра, бу ерда одамлар бронза давридан бери истиқомат қилишади. Айни пайтда бундан юз, ҳаттоки минг йиллар аввал қурилган уйларда ҳам одамларни кўриш мумкин. Бу ернинг тош кўчаларида вақт худди тўхтаб қолгандек туюлади.
Ширвоншоҳлар саройи
Мазкур сарой XV асрда бунёд этилган. Бу ерда Ширвоннинг ҳукмдорлари истиқомат қилганлар. Бино қизил, тилларанг ва жигарранг тусда нур таратади. Бундан ташқари ҳудудда шоҳлар мақбараси, сарой масжиди, Девонхона ҳовлиси, Саййид Яхё Бокувий мақбараси ҳам бор.
Шеки карвонсаройи
Мазкур карвонсарой бир замонлар Буюк Ипак Йўли ҳудудида жойлашган. Савдогарлар, иш берувчилар, саёҳатчилар, олимлар ўз сафарлари пайтида мана шу ерда тўхтаб ҳордиқ чиқаришган ва сафарнинг кейинги қисми учун куч йиғиб олишган. Айни пайтда карвонсарой ичида меҳмонхона фаолият олиб боради, бинонинг яна бир қисми эса музей сифатида ишлатилмоқда. Карвонсарой деворлари чидамли ва қалин тошдан тикланган, аркали дарвозалар кескин ҳолатларда қаттиқ ёпилган ва бино ичидаги одамларнинг хавфсизлигини таъминлаган.
Қизиқарли фактлар
1. Озарбайжоннинг пул бирлиги бўлмиш манат дизайни устида евро дизайнини яратган ижодкор иш олиб борган. Шу сабабли ҳам ушбу икки валюта бир-бирига ўхшаб кетади.
2. Мамлакатнинг 50% ҳудуди тоғлар билан қопланган.
3. Географик жиҳатдан мамлакатнинг айрим ҳудудлари Шарқий Европага тегишлидир.
4. Озарбайжонда ўсадиган 240 ҳил ўсимлик турини дунёнинг бошқа ҳеч бир бурчагида учрата олмайсиз.
5. Озарбайжон ҳудудида 350 та лойли вулқонлар жойлашган.
6. Мамлакат аҳолисининг ярмидан кўпи Боку шаҳрида яшайди.
7. Озарбайжоннинг 99% аҳолиси Ислом динига эътиқод қилади.
8. Мамлакатда паловни 50 ҳил кўринишда тайёрлаш усуллари мавжуд.
9. Собиқ совет иттифоқидаги биринчи цирк Озарбайжонда очилган.
10. Боку шаҳрида 77 нафар миллат вакиллари ҳаёт кечиришади.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
