Актриса Наргиза Салмонова "Instagram” орқали турмуш ўртоғини туғилган куни билан табриклади-ю, мухлисларидан балога қолди.
"_dr_azizov_” номли мухлиси "Эссиз, ўтган умр, эссиз, ота-онанинг берган тарбияси! Келиб-келиб, туркка хам турмушга чикадими?” деб хафа бўлган.
"maryam_tashkentbayeva” номли фойдаланувчи эса: "Турк ҳам одам, уям мусулмон, Аллоҳ яратган. Одам ажратиш яхшимас, ўзбеклар ҳам туркий халқдан тарқалган”, деб эътироз билдирган.
Мухлислар ўртасидаги баҳс анча узоқ давом этган.
Ўзини Наргиза Салмонованинг қўшниси деб атаган "maryam_tashkentbayeva” ўзбек қизларининг туркларга турмушга чиқишини шундай изоҳлаган: "Нима учун кўп қизлар турк йигитларига турмушга чиқишини биласизми? Чунки улар аёлининг қадрига етади. Тўй харажатларининг ҳаммасини ўзи қилади. Ўзбекларга ўхшаб сепига қараб уйланмайди. Қиз бола фақат ўзининг кийимларини йиғиштириб кетади. Ўзбекларга ўхшаб кераксиз сарполар қилиб, кўз-кўз қилмайди. Қиз томондан мебель ҳам кутишмайди. Ҳаммадаям шароит яхшимас, қарзга ботиб, бечора қизларнинг ота-онаси "қизим тинч яшасин” деб қўлидан келганча қилишади. Шунча қилсаям, куёв томон энсасини қотиради. "Мебель ҳам, сарпо ҳам керакмас, ҳаммасини ўзимиз қиламиз” дейдиганлариям, барибир, гапиради. Кўрдим қанчасини. Шунинг учун ҳам кўп қизлар туркка тегишади.
Наргиза опа ўзимнинг қўшним, битта домда яшаганмиз қизлик пайтлари. Ўтган йили турмуш ўртоқлари билан келгандилар, шунақа ҳавасим келди! Бирам яхши Эмраҳбей, жудаям самимий инсон эканлар. Наргиза опанинг бахти бор экан. Кўролмайдиганлар ҳар доим салбий фикр билдиришади”.
Нима ҳам дердик, актриса Наргиза Салмоновага бахт тилаймиз, қаерда бўлса ҳам, ўзбек қизи, Ўзбекистон фарзанди эканлигини унутмаса бўлгани.