Одатда инсонлар муҳаббат туйғуси, кучли севги, тасодиф, тақдир изми, ота-оналар истаги ва шу каби кўплаб омиллар асосида оила қуришади. Баъзи мамлакатларда, мисол учун Ҳиндистонда жуфтликнинг қайси юлдуз остида таваллуд топгани ҳам жуда катта аҳамиятига эга. Улар оила қуриш жараёнида буржларнинг ўзаро мос келишига катта эътибор қаратар эканлар.
Мунажжимлар маълум бурж вакиллари ўзаро оила ришталарини боғласалар, ушбу оиланинг кун келиб ўта бадавлат бўлиб кетиши ҳақида маълумот берганлар. Шуни ҳам айтиб ўтишни истардикки, оиланинг фаровонликда ҳаёт кечириши нафақат буржлар, балки меҳнат, умумий мақсадлар ва ўзаро тушуниш ҳиссига ҳам бевосита боғлиқ.
Қўй + Тарози Қўй ва Тарози буржи вакиллари ўзаро муносабатларда бир-бирларини ажойиб тарзда тўлдирадилар. Улар биргаликда ҳаёт кечирсалар турмушдаги муаммоларни енгиб ўтишлари ҳам нисбатан осонроқ бўлади. Омадсизликка учраган вақтлари тушкунликка тушиб ўтирмайдилар, шу сабабли бундай жуфтликдан омадсизликнинг ўзи ҳам қўрқади.
Қўй ва Тарози буржи остида туғилган жуфтликлар пул тежашни ёқтирмайдилар, аммо пулни қандай ишлаб топиш кераклигини ҳам яхши билишади ва эришилган натижаларнинг ўзи билан чекланиб ҳам қолишмайди.
Бу каби жуфтликлар ҳаётида Тарози барқарорлик ва ҳаракат учун жавоб берса, Қўй буржи вакили ишонч ва умумийлик учун ҳаракат қилади. Уларни мукаммал жуфтлик сифатида тилга олиш мумкин. Бундай жуфтлик ҳаётида барча нарса – ижобий потенсиал, эҳтиёткорлик, ишонч, мотиватсия ва ажойиб амбитсиялар ўзаро уйғунлашган.
Қовға + Ўқотар Бу ҳам мукаммал жуфтликларнинг яна биридир. Ўқотар буржи вакиллари ёлғизликда ҳам бойиб кетишлари мумкин, Қовға буржи вакиллари эса ана шу бойликни сақлаш ва тўғри сарфлашга ёрдам беради.
Бундай жуфтликда фаровон яшаш учун керакли барча шароитлар бўлади. Молиявий муваффақият Қовға ва Ўқотар жуфтлигига ҳар бир қадамда ҳамроҳлик қилади, улар бир-бирларининг камчиликларини тўлдирган ҳолатда шахсий қобилиятларини ҳам ривожлантириб борадилар.
Жуфтликнинг ҳарикки вакили ҳам табиатан тадбиркордирлар. Қовға барча мураккаб вазиятларда сокин шароитни сақлаб туради, Ўқотар эса янги ғояларни тақдим этади.Барчаси ўз изига тушган вақтида Ўқотар келишувларни ажойиб тарзда амалга ошира олади. Энг қизиғи, ушбу икки бурж вакили керак бўлган вақтда бизнесдаги ролларини алмаштира оладилар ва шу орқали ҳам бир-бирларини доим қўллаб-қувватлаб турадилар.
Йўлбарс + Сунбула Сунбула буржи остида таваллуд топган инсонлар табиатан ўта эҳтиёткор ва тежамкор бўлишади. Улар ҳамиша барча вазиятларни назорат остида ушлашга ҳаракат қиладилар. Йўлбарслар Сунбулага илҳом беради, уларни қулайлик ҳудудидан ташқари чиқишлари учун имкон яратади.
Йўлбарслар Сунбуладаги ақлий имкониятларни янада ривожлантира оладилар. Йўлбарслар табиатан жуда топқир бўладилар, Сунбула эса ғояларга ишлов беради, унга сайқал беришни уддалайди. Ушбу жуфтлик оилавий муносабатлар билан боғланганларидан сўнг ҳақиқатан фаровонлик томон қадам ташлашлари мумкин. Агар Йўлбарс ва Сунбула бир-бирларининг камчиликларини тўлдириб борсалар, бойиб кетиш имконияти янада ошади.
Бузоқ + Балиқ Ушбу жуфтликнинг ижобий потенсиали ҳаддан ташқари катта. Бузоқлар келишувларни амалга ошириш ва ишларни режалаштириш борасида устаси фаранг бўлишади. Улар керак бўлган вақтларда эҳтиёткор ва маккор бўлишни ҳам билишади, айнан мана шу сифатлар Балиқларда етишмайди. Балиқларга айнан Бузоқ буржи вакиллари каби жуфтлар керак, улар Балиқ буржи вакилларининг эмотсионал ҳолатини назорат қилишга ёрдам беради. Шу сабабли ҳам улар молиявий масалаларда бир-бирларини тўлдириб туришади.
Балиқлар оилавий муносабатларда Бузоқ буржи вакилларининг маслаҳатларига қулоқ солишлари ва унга амал қилишлари керак. Аммо шуни таъкидлаш жоизки, ушбу бурж вакиллари орасидаги муҳаббат туйғулари ҳаддан ташқари кучли бўлмаслиги мумкин. Кучли муҳаббат туйғуси муносабатлар дебочасидан кўп йиллар ўтиб, сабр натижасида келиб чиқади.
Эгизаклар + Қисқичбақа Эгизаклар ва Қисқичбақа буржи вакиллари табиатан ижодкор шахслар бўлишади. Қисқичбақа Эгизакларга бутун умр давомида илҳом бериб турадилар. Эгизакларда бахтли, омадли, муваффақиятли бўлиш учун керакли барча қобилиятлар бор. Аммо уларнинг ўта серғайрат эканликлари баъзан тескарисига ишлайди. Шу сабабли ҳам ўз қувватларини беҳудага сарфлаб юборишлари мумкин. Қисқичбақа буржи вакиллари эса уларнинг айнан мана шу жиҳатларини назорат остида ушлаб турадилар.
Бизнесда ҳам уларни оламшумул муваффақият кутади, сабаби уларнинг орасидаги руҳий боғлиқлик ҳаддан ташқари кучли. Бизнесдаги асосий ишларни Қисқичбақалар ҳал қилсалар, Эгизаклар уларга янги ғоялар тақдим этади.
Тоғ эчкиси + Чаён Ушбу жуфтлик донишмандлик, меҳнатсеварлик, ишбилармонлик, камтарлик ва ижодкорлик борасида ҳар кимни ортда қолдиришлари мумкин. Тоғ эчкилари табиатан ўта ишбилармон ва ақлли бўлишади. Чаёнлар эса иқтидорлари билан барчани ҳайратга солишади. Улар одатда бир соҳада ишламасалар ҳам, ҳам ишда бир-бирларига ёрдам беришади.
Улар бутун умр давомида ўзаро ҳурмат, муҳаббат ва ишонч ҳисси билан ҳаёт кечирадилар. Бу эса уларнинг бойиб кетишлари ва фаровонликда яшашлари учун ёрдам беради.
Ушбу муносабатлардаги асосий тушунча ҳотиржамлик бўлиб, бу ўз навбатида молиявий муваффақиятларга олиб келади.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
