Ёш, ижтимоий келиб чиқиш ва бошқа стереотиплар муҳаббат олдида ожизлик қилади. Harper’s Bazaar нашри эълон қилган, ёшида катта тафовут бўлишига қарамай бирга яшаб келаётган юлдузли жуфтликлар эса бунинг исботи.
Хью Жекман ва Деборра-Ли Фернесс
Актёр ўзидан 13 ёш катта Деборра-Ли Фернесс билан турмуш қурганига 24 йил бўлган. У бўлажак рафиқаси билан «Корелли» сериалининг суратга олиш жараёнида танишган. Бу вақтда Фернесс танилиб улгурган, Жекман бўлса эндигина карьерасини бошлаётган бўлган. Турмуш қурганидан кейин бир неча марта ҳомиласи нобуд бўлавергач, жуфтлик бола асраб олишга қарор қилган: 2000 йилда Оскар исмли ўғил, орадан беш йил ўтганида кейин Аву исмли қизни фарзандликка олган. Жекман ва Деборранинг бахтиёр турмуши сири — қандай лойиҳа ёки иш жадвали бўлишидан қатъи назар икки ҳафтадан кўп оиласидан узоқда бўлмаслик ҳамда муаммо ва қувончни биргаликда баҳам кўриш билан боғлиқ.
Тильда Суинтон ва Сандро Копп
Шахсий ҳаёти билан боғлиқ воқеа-ҳодисаларни бўлишишни ёқтирмайдиган актриса турмуш ўртоғидан 17 ёш катта. Рассом Сандро Копп билан 2004 йил «Нарния салтанати: Шер, жодугар ва сеҳрли шкаф» фильмининг суратга олиш майдончасида бошланган муносабатлар жиддий тус ола бошлаган. Шундай буён жуфтлик бахтли ҳаёт кечириб келмоқда.
Аарон Тэйлор-Жонсон ва Сем Тэйлор-Жонсон
2009 йилда Жон Леннон ҳақида суратга олинган фильм майдончасида Аарон билан танишгунига қадар Сем қийинчиликларни бошидан кечирган: арт-диллер Жей Жоплинг билан ажрашган ва икки марта саратон хасталиги билан курашиб улгурганди. Аароннинг жиддий ниятига Семнинг ўзидан 23 ёш катта ва биринчи турмушидан икки нафар фарзанди бўлгани тўсиқ бўлолмаган. 2012 йилда турмуш қурган машҳурларнинг икки нафар қиз фарзанди бор.
Брижит ва Эммануэль Макрон
Франциянинг амалдаги президенти Эммануэль Макрон рафиқаси Брижит Озердан 24 ёш кичик. Эммануэль ўзининг 40 ёшли француз тили ўқитувчисини ёқтиришини билган ота-онаси уларнинг муносабатларига қаршилик қилган ва ажратиш учун ўғлини Парижга жўнатган. Бу вақтда Макрон ва Брижитнинг муносабатлари мактублардаги ёзишмалар орқали давом этган. Муносабатлар 2007 йилда никоҳ билан мустаҳкамланган. Орадан ўн йил ўтиб эса Макрон Франция президенти этиб сайланган.
