Биз бугун мақоламизда Гитлернинг кам гапирилган тарафлари ҳақида сўз юритамиз. Гап минг йилликнинг энг ёвузларидан бирининг аёллар билан бўлган муносабатлари ҳақида боради.
Тарихда Адольф Гитлер ҳақида бир-бирига зид маълумотлар тарқалган: кимдир уни эркак сифатида мукаммал бўлмаган деса, яна кимдир у мутлақо соғлом бўлганлигини таъкидлайди. Гитлернинг ишқий муносабатларига гувоҳ бўлганларнинг айтишларича, унинг аёллар билан бўлган ишқий муносабатларининг кўпчилиги фожиали якун топган. Адольф аниқ нечта аёллар билан ишқий муносабатда бўлганлиги маълум эмас, бироқ улардан бештаси фюрернинг ҳаётида муҳим ўрин тутганлар.
Шарлотта Лобжуа Француз қассобининг қизи Гитлернинг биринчи маъшуқасига айланди. 1916 йилда ёш Адольф Гитлер Ғарбий фронтда хизматини ўтаётган даврида 18 ёшли Шарлотта билан учрашган. Шарлотта Адольф ижарада яшаган хонадон эгасининг қизи бўлган, у билан ишқий муносабатлар бир йил давом этган. Бироқ Адольф ҳарбий хизмат таътилига кетиб, севгилисининг ёнига бошқа қайтмади.
Қизиғи шундаки, куёв қочиб кетганидан кўп ўтмай, ёш француз аёл фарзандли бўлди ва унга Жан-Мари деб исм қўйди. Жан-Мари фюрернинг ўғли эканига амин эди ва бунинг белгиси сифатида фюрерга ўхшаб, бир умр қўнғиз мўйлов қўйиб юрди. Гитлер ўғлини тан олмади, генетик таҳлил қилиш эса маълум сабабларга кўра имконсиз эди.
Мария Рейтер 1926 йилда Баварияда сиёсатчи сифатида танилиб улгурган Адольф Гитлер Берхтесгаденлик тикувчининг 16 ёшли қизи билан танишади. Айтишларича, унинг ўзи сайр вақтида ёш хонимга мурожаат қилиб, учрашишни таклиф қилган. Қизнинг отаси миллий сотциализмнинг ашаддий рақиби бўлган ва сотциал-демократик партиянинг йиғилишларида қатнашган. Бу нарса муносабатларга жозибадорлик бериб турар эди.
Адольф ўзини «Жаноб Бўри» деб таништирди ва қизни "Мушукча» ва «ёқимли қизча» деб атади. Эҳтимол, Мария 37 ёшли сиёсатчига қаттиқ кўнгил қўйган – у Гитлерга итига нисбатан қилган шафқатсизлигини кечирган ва ресторанда ўзининг вегетарианлигига урғу берган ҳолда гўштли таомлар ҳақидаги жирканч изоҳларига чидаган. Фюрер балоғат ёшига етмаган Рейтер билан яқин алоқада бўлмаган, деб айтилади. Сиёсатчининг сиёсий рақиблари унинг ишқий муносабатлари орқали сайловчилар олдида қоралашга урингандилар. Шу сабабли 1928 йилда улар ажралишдилар.
Гитлердан айрилиш ёш хоним учун қийин кечди – Мария ҳатто ўз жонига қасд қилишга ҳам ҳаракат қилди. 1931-1933 йилларда, муваффақиятсиз никоҳдан сўнг, Рейтер Адольфнинг маъшуқасига айланди ва уларнинг муносабатлари эркакнинг жонига теккунча давом этди.
Гели Раубал 1929 йилда Берлинга Гитлернинг ёнига бева қолган опаси 21 ёшли қизи билан бирга келди. Қизнинг исми Гели Мария Раубал бўлиб, у жуда гўзал, бокира ва болалардек беғубор эди. Қизнинг қаттиққўл ўгай тоғаси бўлмиш Адольф пойтахтнинг жўшқин ҳаёт тарзи ёш қизнинг бошини айлантириб қўйишига йўл қўймади – Гитлер ғайритабиий иштиёқ билан Гелининг ҳар бир қадамини кузатиб, хушторларнинг ҳеч бирини ёнига йўлатмади, қизнинг барча ҳаракатларини назорат қилиб борди. Фюренинг ҳаётида Ева Браун пайдо бўлганида, унинг жиянига қизиқиши сусайди, аммо энди қиз уни рашк қила бошлади.
1931 йил 18 сентябрда ўз хонасида Гели Раубалнинг жасади топилган. Қизнинг қўли Гитлернинг "Валтер” тўппончасини сиқиб турар эди, ундан отилган машъум ўқ қизнинг ҳаётига нуқта қўйган эди. Сиёсатчининг қариндоши ўлимини ўз жонига қасд қилган, деб овоза қилишди, бироқ кўпчилик замондошларнинг фикрига кўра, қизни тоғаси отиб ўлдирган бўлиши мумкин. Гап шундаки, охирги пайтларда Раубал суюкли ёридан айрилганига кўникди ва ошиқларидан бири, Гитлернинг шахсий ҳайдовчиси – Эмил Морис билан учрашишга розилигини билдирди. Қизнинг ҳомиладорлигини билиб қолган Адольф ғазаб устида уни отиб қўйган бўлиши мумкин, деган тахминлар бор. Гелининг ўлими бўлажак диктаторни чуқур қайғуга ботириб, йиқитиб қўйди – ҳаттоки унинг ўзи ҳам ўз жонига қасд қилишни режалаштирди, аммо бутун инсониятнинг бахтига қарши афсуски, фикрини ўзгартирди
Юнити Митфорд «Valkyriya» Юнити Митфорд Буюк Британиялик оқсуяк хоним, 1935 йилда Гитлернинг ҳаётига кириб келган. Қиз севимли инсонининг ғояларини астойдил қўллаб-қувватлар ва шу билан бирга Германиянинг дунё ҳукмронлигини Буюк Британия билан бўлишиши керак, деб ҳисоблар эди. Юнитини Адольф "Валкирия” деб атар эди. У бу аёлга ўзига ишонгандай ишонган ҳамда унинг фикрларини ҳам инобатга олган. 1939 йил 3 сентябр куни, Буюк Британия билан Германия ўртасида ҳарбий ҳаракатлар бошланганида, Митфорд ўзини отиб ўлдиришга ҳаракат қилди – бошига қараб ўқ узди, бироқ омон қолди. Тирик қолгани билан ўқ қизнинг бошида қолиб кетди ва 1948 йилда унинг тўсатдан вафот этишига сабабчи бўлди.
Ева Браун Фюрер расмий никоҳдан ўтган ягона аёл бу Ева Браундир, гарчи никоҳ ўлимларидан бир неча соат аввал тузилган бўлса ҳам. Гитлер Мюнхендаги оддий ўқитувчининг 17 ёшли қизи Ева Браун билан 1929 йилда танишган, аммо уларнинг муносабатлари 1931 йилда, Гели Раубалнинг фожиали ўлимидан сўнг бошланган. Сиёсатчи билан яшаш Евага кўпам завқ келтирмади – Адольф уйланишга шошилмас ва алоҳида хонада ётарди. Архитектор А. Сперернинг таъкидлашича, Фюрер Эвага ўзига хос сурбетлик билан муносабатда бўлган ва фақат сайр вақтидагина уни дўст сифатида қадрлаган. Севиб қолган аёл учун қийин кечаётган муносабатлар унинг муваффақиятсиз амалга ошмай қолган ўз жонига қасд қилиш ҳаракатларидан кейин қисқа вақтгагина яхшиланар эди – бу борада Браун "яхшигина мутахассис” эди. Бироқ ҳеч нарсага қарамай 1945 йилнинг 29 апрел куни Ева билан Адольф турмуш қуришди ва эртаси куни биргаликда ўз жонларига қасд қилиб, вафот этишди.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
