O'zbekiston Respublikasi Adliya vazirligi ijtimoiy tarmoqlarda tarqalgan turli xabarlar yuzasidan Gulnora Karimova saqlanayotgan ayollar koloniyasida o'rganish o'tkazayotganini ma'lum qilgandi. O'rganish natijalari «Gazeta»da e'lon qilindi.
O'rganish davomida Gulnora Karimova kolonyaga 2019 yilning 14 mart kuni kelgani va 2-sektor 7-otryadga joylashtirilgani aniqlandi.
Vazirlikning qayd etishicha, yashash sharoitlari Jinoyat-ijroiya kodeksining 117-moddasiga mos keladi. Ushbu moddada mahkumlarning umumiy rejim koloniyalarida umumiy yashash joylarida yashashi belgilangan.
Gulnora Karimova Jinoyat-ijroiya kodeksining 9-moddasiga muvofiq, o'quv, badiiy va boshqa axborot materiallaridan foydalanish huquqidan foydalanib, koloniya kutubxonasining a'zosi hisoblanadi.
Adliya vazirligining ma'lumotiga ko'ra, Gulnora Karimova kutubxonadan olgan kitoblar ro'yxatiJinoyat-ijroiya kodeksining 78-moddasiga ko'ra mahkuma jo'natma va banderollarni olish huquqidan foydalanmoqda.
Xususan, 2,3,10 aprel kunlari Gulnora Karimova jo'natma va banderollarni qabul qilgan.
Gulnora Karimovanng hisob raqamiga 10 aprel kuni qizi tomonidan pul mablag' o'tkazilgan. Mahkuma jazoni o'tash davrida to'rt marta kolonya hududidagi do'kondan xaridni amalga oshirgan. Vazirlik xabarida aytilishicha, o'rganish vaqtida unng hisobida pul mablag'i bo'lgan.
Jinoyat-ijroiya kodeksining 76-moddasiga ko'ra O'zbekistonning Birinchi prezidentining qizi uchrashuv huquqidan foydalanmoqda. Xususan, u 12—15 aprel kunlari oila a'zolari bilan uzoq muddatga (3 kun) uchrashgan.
Gulnora Karimova ikkita qisqa muddatli uchrashuvlardan (8—10 aprel kunlari) yozma ravishda voz kechgan.
Qayd etilishicha, Gulnora Karimovaning 2 va 17 aprel kunlari shveysariyalik advokat bilan uchrashishi ta'minlangan. Ular 17 iyun kun ham uchrashgan.
«Bu esa uning barcha huquqlari va qonuniy manfaatlari ta'minlanayotganidan darak beradi», — deyiladi xabarda.
Jinoyat-ijroiya kodeksining 79-moddasiga ko'ra ozodlikdan mahrum etishga hukm qilingan shaxslar cheklanmagan miqdorda xat va telegrammalar olishlari hamda jo'natishlari mumkin.
Gulnora Karimova jazoni ijro etish davrida 2 marta xat jo'natgan — 25 mart va 17 iyun kunlari.
Vazirlikning qayd etishicha, kerakli tibbiy yordam ko'rsatilmayotgani haqidagi gap-so'zlar haqiqatga mos kelmaydi.
2017 yilning dekabr oyida Sog'liqni saqlash vazrlgi bsoh byurosi tomonidan sud-tibbiy komission ekspertiza o'tkazilib, Gulnora Karimovada avvalroq paydo bo'lgan va surunkali xarakterga ega ayrim kasalliklar aniqlangan.
2019 yilning mart oyida koloniyaga kelgan Gulnora Karimova sog'lig'ini saqlash uchun bir necha bor malakali tibbiy yordam tashkil etilib, Sog'liqni saqlash vazirligining tajribali mutaxassislari (kardiolog, ginekolog, stomatolog, infeksionist, SBD funksional diagnostika shifokori, UTT shifokori, endokrinolog, gastroenterolog, psixiatr va boshqalar) bilan maslahatlashdi.
Shu bilan birga, sud-tibbiyot ekspertizasi xulosasiga ko'ra, Gulnora Karimovada aniqlangan kasalliklar uning jazoni o'tashiga hech qanday ta'sir ko'rsatmaydi, deya qayd etdi Adliya vazirligi.
Suhbat jarayonida Gulnora Karimovaga jismoniy, psixologik yoki ruhiy bosim o'tkazish holatlari kuzatilmagani qad etildi. Aksincha, boshqa mahkumalar uning saqlash sharoitlari yomon ekani va unga nisbatan bosim o'tkazilgani haqidagi axborotlar tarqalganidan hayratda ekanini bildirdi. Jumladan, u bilan bir sektorda istiqomat qiluvchi mahkumalar Gulnora Karimova koloniyaga joylashgan vaqtda deraza yaqinidagi o'ringa joylashish istagini bildirgani, biroq ushbu karavot boshqa mahkuma tomonidan band qilingani ta'kidladi. Shunga qaramasdan, boshqa mahkuma Gulnora Karimovaga o'z o'rnini bo'shatib bergan, deya xabar qildi Adliya vazirligi.
Ushbu davrda Gulnora Karimova salomatlagi hisobga olingan holda biror marta ham mehnat faoliyatiga jalb qilinmagan, buni mahkumalar ham, koloniya ma'muriyati ham tasdiqlamoqda.
Bevosita Gulnora Karimovaning o'zi bilan suhbat jarayonida u mahkuma sifatidagi huquqlari hech qanday to'siq yoki cheklovlardan shikoyat qilmadi. Gulnora Karimova bu mavzuda suhbatlashishni istamasligini ma'lum qilib, asosan quyidagilar bo'yicha o'z e'tirozlarini bildirgan:
Koloniyada jazoni o'tayotgan vaqtda unga yaqin bo'lgan mahkumalarni boshqa otryadlarga (sektorlarga) ko'chirilishi; uning fikricha, jinoyat ishini tergov qilishda qonunchilik talablarining buzilishi. Surunkali kasalligi bois Gulnora Karimovaga statsionar davolanish imkoniyati taqdim etilgan va uchrashuv vaqtida u tibbiy qismda edi. Suhbat vaqtida mahkuma unga ko'rsatilayotgan tibbiy yordam sifati bo'yicha hech qanday e'tirozlar bildirmadi, deya tasdiqlamoqda Adliya vazirligi.
Vizual ko'rik vaqtida mahkumada tan jarohatlari aniqlanmadi.
Qaytarilmagan aktivlar
Adliya vazirligi aktivlarning qaytarilishiga oid ma'lumotlar yuzasidan ham izoh berdi.
Xabarda qayd etilishicha, Gulnora Karimovaga nisbatan tergov boshqa xorij mamlakatlarida ham davom ettirilmoqda.
«Xorijda olib borilayotgan tergov materiallari va rasmiy manbalardan ma'lumki, Gulnora Karimova va unga aloqador odamlar tomonidan Latviya, Shveysariya, Fransiya, Shvetsiya, Niderlandiya va ehtimol boshqa davlatlar hududlarida pul yuvish bo'yicha noqonuniy korrupsion sxemalar qo'llanilgan», — deyiladi vazirlik xabarida.
«Aktivlarni qaytarish bo'yicha barcha muzokaralar va tadbirlar hukumat darajasida O'zbekiston qonunchiligi va xalqaro huquqqa muvofiq olib borilmoqda. Mazkur aktivlar Gulnora Karimova (uning oila a'zolari) tasarrufida emas va ular xorijiy davlatlarning vakolatli organlari tomonidan hibsga olingan», — deyiladi xabarda.
Vazirlik matbuot xizmatining ta'kidlashicha, ayni vaqtda noqoniy sotib olingan aktivlarning qolgan qismini qaytarish bo'yicha tadbirlar davom ettirilmoqda. Avvalroq uning advokati Greguar Manja Shveysariya federal jinoit sudi O'zbekiston birinchi prezidentining qizi Gulnora Karimova ishi bo'yicha 555 mln dollarni O'zbekistonga qaytarishni to'xtatganini ma'lum qilgandi. Bu haqda mahkumaning qizi Iman Karimova ham xabar berdi.
Manba: 24soat.com -Saytdan olindi.
Ushbu ma'lumot dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
2222222
| 
